Biełaruś — adkrytaja miralubivaja kraina. Ab hetym siońnia, sustrakajučysia z udzielnikami teleprajekta «Sardečna zaprašajem u Biełaruś», zajaviŭ Alaksandr Łukašenka.
Jak adznačyŭ jon, słovami «Sardečna zaprašajem u Biełaruś» u krainie vitajuć usich haściej, jakich biełarusy ŭmiejuć i lubiać prymać. «Biełaruś — adkrytaja kraina. My vielmi miralubivy, vielmi ščyry narod i chočam siabravać z usimi, svabodna handlavać, jeździć adzin da adnaho ŭ hości, razmaŭlać, sustrakacca. U
nas niama varožaści ni da koha. My zaŭsiody žadajem usim dabra, ščaścia i praćvitańnia», — adznačyŭ Alaksandr Łukašenka.
Źviartajučysia da zamiežnych haściej, Łukašenka padkreśliŭ, što ich śviežyja ŭražańni ad tydniovaha naviedvańnia Biełarusi asabliva kaštoŭnyja: «My žyviom u Biełarusi, lubim jaje. Ale z časam pryvykaješ i da navakolnaha charastva, pierastaješ hetamu ździŭlacca. U Biełarusi vielmi šmat cudoŭnych miaścin, dzie adpačyvaješ dušoj».
Zamiežnyja hości mieli mahčymaść naviedać samyja malaŭničyja miaściny Biełarusi, ubačyć lepšyja pradpryjemstvy.
«Biełarusy zaŭsiody byli— skazaŭ Alaksandr Łukašenka.narodam-pracaŭnikom . BiełAZ, kandytarskaja fabryka „Spartak“, „Biełšyna“ — usio heta hordaść Biełarusi. Haspodź nie daŭ nam mnostva pryrodnych resursaŭ, i biełarusy spakon vieku pryvykli zarablać na žyćcio svaimi rukami i svaim intelektam»,
Pavodle jaho słoŭ, heta sustreča — mahčymaść pačuć mierkavańnie pradstaŭnikoŭ inšych dziaržaŭ ab Biełarusi. «Kali vy zaŭvažyli niejkija niedachopy — skažycie nam. Paviercie, vaša mierkavańnie dla nas dla ŭsich i dla mianie jak prezidenta vielmi važnaje. Vy hladzicie na nas novym pohladam, vašy ŭražańni vyraznyja i śviežyja, — adznačyŭ jon. — Ale hałoŭnaje — usie vy ščyryja, adkrytyja ludzi, jakija, jak ja śmieju spadziavacca, žadajuć dabra našaj ziamli i našamu narodu. Vysłuchaŭšy vaša mierkavańnie, my padumajem, jak zrabić Biełaruś jašče lepšaj». Alaksandr Łukašenka zaprasiŭ usich udzielnikaŭ sustrečy da adkrytaj razmovy ab Biełarusi.
U ramkach teleprajekta Biełaruś naviedali šeść zamiežnych siemjaŭ z Kitaja, Hiermanii, Paŭdniovaj Karei, Ispanii, Francyi i ZŠA. Usie siemji pryjechali ŭ krainu ŭpieršyniu.
Kamientary