U vydańnie ŭvajšli ŭspaminy pra Jermałoviča jaho siabroŭ, u tym liku historykaŭ Anatola Hryckieviča, Michasia Čarniaŭskaha i Jazepa Jucho, piśmieńnikaŭ Volhi Ipatavaj i Hienrycha Dalidoviča.
U vydaviectvie hramadskaha abjadnańnia «Tavarystva biełaruskaj movy imia Franciška Skaryny» vyjšła ilustravanaja kniha «Mikoła Jermałovič». Jaje padrychtavali staršynia Minskaha haradskoha kulturna‑aśvietnickaha kłuba «Spadčyna» Anatol Bieły i členy kłuba Anatol Vałachanovič i Nadzieja Sarmant.
Jak paviedamiŭ BiełaPAN redaktar vydańnia A.Bieły, 360 staronak knihi raspaviadajuć pra žyćcie i pracu vybitnaha biełaruskaha historyka, paeta i dysidenta. Pa jaho słovach, u vydańnie ŭvajšli uspaminy pra Jermałoviča jaho siabroŭ, u tym liku historykaŭ Anatola Hryckieviča, Michasia Čarniaŭskaha i Jazepa Jucho, piśmieńnikaŭ Volhi Ipatavaj i Hienrycha Dalidoviča. U knizie źmieščany ŭsie mastackija tvory, pryśviečanyja Jermałoviču, u tym liku vieršy, zdymki pomnikaŭ i repradukcyi žyvapisnych tvoraŭ Anatola Kryvienki, Alaksieja Maračkina i Alesia Cyrkunova, a taksama hrafičnyja raboty Jaŭhiena Cichanoviča. Pradstaŭlena i litaraturnaja tvorčaść samoha vučonaha, u pryvatnaści bolš za 100 jahonych vieršaŭ 1970‑1980‑ch hadoŭ, u jakich Jermałovič raskryvajecca jak najvydatniejšy paet svajho času, adznačyŭ A.Bieły. «Ale najbolšuju cikavaść vyklikajuć 52 hutarki i interviju ź Jermałovičam u 1970‑ia hady, značnaja častka jakich raniej nie publikavałasia. U ich navukoŭca ŭzdymaje pytańni zachavańnia historyka‑kulturnaj spadčyny biełarusaŭ i ich rodnaj movy», — paviedamiŭ A.Bieły, jaki dobra viedaŭ historyka i ŭklučyŭ u knihu svaje ŭspaminy pra jaho.
Staršynia «Spadčyny» vykazaŭ upeŭnienaść, što ź ciaham času Mikoła Jermałovič budzie pryznany «nie tolki vialikim daśledčykam minułaha Biełarusi, ale i vialikim biełaruskim paetam i dysidentam».
U bližejšy čas u Minsku adbudziecca prezientacyja vydańnia.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia3
Kamientary