Łukašenka nie spaŭ noč z-za Čavesa: Navat nam jość čamu vučycca na hetych vybarach
«Nie viedaju, jak u vas, a ŭ mianie noč była biassonnaj u suviazi z vybarami ŭ Vieniesuele. Ja vielmi rady pieramozie našaha siabra Uha Čavesa. Treba skazać, što jon małajčyna. Navat nam jość čamu vučycca na hetych vybarach», — zajaviŭ siońnia Alaksandar Łukašenka.
«Heta była biezumoŭnaja pieramoha, i hałoŭny alternatyŭny kandydat pryznaŭ svaju parazu. Heta taksama darahoha kaštuje, heta hodnaść hetaha čałavieka», — skazaŭ kiraŭnik Biełarusi.
Jon paviedamiŭ, što ciapier rychtujecca vinšavańnie Uha Čavesu. «My ŭžo źviazvalisia nočču sa štabam Uha Čavesa, pavinšavali jaho, i ad imia biełaruskaha narodu pavinna być ciopłyja vinšavańni hetamu hieraičnamu čałavieku. Bo ŭ takoj situacyi vyjhrać — heta vialiki davier», — adznačyŭ Łukašenka.
Kamientary