Nieruchomaść66

Ci atrymajecca pravieści restaŭracyju viaskovaha brovara na $100 tysiač? Inviestar hatovy, miascovyja — nie

Pakul prajekt nie pačaŭ realizoŭvacca, pomnik raściahvajuć pa kamieńčykach.

Niekalki hadoŭ tamu zamiežnaja kampanija «Trakcentr «Aziarco» vyrašyła inviestavać u restaŭracyju budynka brovara na Vilejščynie, jaki adnosiŭsia da byłoj siadziby «Dvor Stajki».
Paśla ŭsich uzhadnieńniaŭ i ciahaniny sioleta, u sakaviku, kampanija padpisała damovu. Namieśnik dyrektara «Trakcentr «Aziarco» Aksana Vołkava raskazvaje, što heta jašče nie kančatkovaje rašeńnie. Brovar pieradadzieny ŭ bieskaštoŭnaje karystańnie na 2,5 hoda dla rekanstrukcyi i restaŭracyi. A paśla hetaha terminu jašče buduć vyrašać, ci pieradavać pomnik u pažyćciovuju ŭłasnaść.

Płanujecca, što ŭ budynku paŭstanie turystyčny kompleks dla vyjaznych mierapryjemstvaŭ: kanfierencyj, viasiellaŭ...

Na jaho ŭznaŭleńnie miarkujuć vydatkavać kala $120 tysiač.

Ale heta tolki adzin prajekt. Praz darohu ad brovara inviestar choča stvaryć hatelny kompleks.

Da taho, jak pieradać budynak dla restaŭracyi, jaho pad svaje patreby vykarystoŭvaŭ viaskoviec: trymaŭ tam voz. Kali ž pamianiaŭsia haspadar u brovara, mužčyna svaje rečy zabraŭ. Prychapiŭ i dźviery. A pobač z domam u jaho źjaviłasia horka z kołataha butavaha kamieńnia ad siadziby.

Aksana kaža, što heta nie prostyja kamiani, a mienavita sa stahadovaj vapnaj. Tamu nie mahli jany być raskidanyja pa poli, jak zajaviŭ viaskoviec. I padała zajavu ŭ milicyju pra kradziež kamianioŭ i dźviarej.

Reštki siadziby źjaŭlajucca historyka-kulturnaj kaštoŭnaściu 3-j katehoryi. Na budynku brovara znachodzicca adpaviednaja šylda. Inviestar sam aformiŭ zonu achovy pomnika, što pavinna być zroblena jašče ŭładalnikam — miascovym sielskahaspadarčym pradpryjemstvam.

Pavodle pastanovy milicyi, viaskoviec sapraŭdy źniaŭ dźviery, bo sam ich nibyta staviŭ. Nakont kamieńnia taksama pryniali jahonuju viersiju, što źbiraŭ ich na poli.

I ŭ zaviadzieńni kryminalnaj spravy admovili.

Milicyjanty nie zmahli vyznačyć ni pieryjad, kali byŭ ździejśnieny kradziež, ni košt skradzienych kamianioŭ, bo «ciapier na terytoryi Biełarusi budaŭničy materyjał u vyhladzie kołataha kamieńnia nie realizujecca». Vilejskaja prakuratura admianiła takuju pastanovu, nakiravaŭšy spravy na novuju pravierku. Ale i heta ničoha nie dało. RAUS u zaviadzieńni kryminalnaj spravy admoviŭ «za adsutnaściu składu złačynstva».

Advakat Vołkavaj dumaje pa-inšamu. Jon nakiravaŭ u prakuraturu skarhu. I źviartaje ŭvahu, što nie była praviedziena pravierka kamianioŭ, kamu jany naležać na padvorku viaskoŭca. Toje samaje i nakont dźviarej. I ličyć, što dla vyznačeńnia pamieru škody treba źviartacca da śpiecyjalistaŭ.

Aksana zaŭvažaje, što nie stavić za metu zasudzić mužčynu. «Chaču pakazać, što tut ludzi źbirajucca rabić cikavaje miesca, a nie pabudavać dom i haniać viaskoŭcaŭ».

Jana choča tolki naležnych adnosinaŭ da inviestaraŭ, jaki robiać niešta nie tolki dla siabie.

«Sprava ŭ tym, što dziaržaŭnaja ŭłasnaść pad hryfam «historyka-kulturnaja kaštoŭnaść» raściahvajecca va ŭsie baki. Navat kali dziaržaŭnaja prahrama i žadańni zamiežnych inviestaraŭ supadajuć, abaviazkova znojdziecca toj, kamu heta paraškadžaje. Vidavočna, što płanujemyja źmieny dapamohuć stvaryć pracoŭnyja miescy, papoŭnić biudžet.

Dyk nie, kamfortniej pakinuć, jak było — vykarystoŭvać pomnik jak chleŭ, dvuchsothadovymi budaŭničymi materyjałami ŭzmacniać padmurak łaźni, a miascovym uładam nie reahavać na sihnały nieabyjakavych».

Pra surjoznaść namieraŭ inviestara śviedčać i zaprošanyja dla pracy ludzi. Prafiesar, architektar Valmien Aładaŭ, jaki ŭ svoj čas byŭ aŭtaram prajektaŭ pa stvareńni staličnaha ŭniviersama «Centralny», Kamaroŭskaha rynku ŭ Minsku, spartkompleksa ŭ Raŭbičach. Navukovym kiraŭnikom restaŭracyi pryznačany Vadzim Hlińnik, jaki kiravaŭ adnaŭleńniem u tym liku abjekta «Histaryčny centr Połacka».

Kamientary6

Ciapier čytajuć

«U palitycy była sprava». Łukašenka vyśvietliŭ, čamu biełarusam nie chapiła bulby8

«U palitycy była sprava». Łukašenka vyśvietliŭ, čamu biełarusam nie chapiła bulby

Usie naviny →
Usie naviny

Hajdukievič paraiŭ vykładvać u tyktok «nie dupu»15

Biełaruska padzialiłasia ŭražańniami ad aŭtobusnaha tura ŭ Dahiestan — 32 hadziny da pieršaha načleha2

Achmataviec u Kurskaj vobłaści rasstralaŭ kramu z hranatamiota. Z-kanały zaklikali pakarać jaho, ale pozna2

Novy film z «dziciom Biełarusi». Jak «Baleryna» praciahvaje spravu Džona Uika7

U žančyny ŭ Hiermanii naradziŭsia 100-y praŭnuk

U Biełarusi krytyčna padaje naradžalnaść. A jak u susiednich krainach?16

Rasijanie nanieśli masiravany ŭdar pa Kijevie i Adesie1

Aktrysa Hanna Chitryk paviedamiła, što rak viarnuŭsia6

Čamu ŭ siarednim uzroście naša talija pavialičvajecca? Pryčyna niečakanaja1

bolš čytanych navin
bolš łajkanych navin

«U palitycy była sprava». Łukašenka vyśvietliŭ, čamu biełarusam nie chapiła bulby8

«U palitycy była sprava». Łukašenka vyśvietliŭ, čamu biełarusam nie chapiła bulby

Hałoŭnaje
Usie naviny →

Zaŭvaha:

 

 

 

 

Zakryć Paviedamić