Rasija pakarała Biełaruś naftaj: «Biełnaftachim» pryznaŭ źmianšeńnie pastavak
Kiraŭnictva «Biełnaftachima» paćvierdziła infarmacyju, što ŭ
U Rasii pra heta kazali jašče napačatku kastryčnika, ale biełaruskaje viedamstva ad kamientaroŭ da apošniaha momantu ŭstrymlivałasia.
Siońnia staršynia kancerna Ihar Žylin skazaŭ, što paviedamleńnie pra skaračeńnie abjomaŭ pastavak adpaviadaje realnaści, udakładniŭšy, što pytańni zahruzki NPZ u Navapołacku i Mazyry ciapier abmiarkoŭvajucca ŭ rasijskich viedamstvach: Ministerstvie enierhietyki i Ministerstvie ekanamičnaha raźvićcia.
U adpaviednaści z rašeńniem Maskvy, pastaŭki rasijskaj nafty da kanca hoda składuć 4 miljony ton — zamiest 5 miljonaŭ 300 tysiač ton u trecim kvartale.
Ekśpierty miarkujuć, što takim čynam Rasija pakarała Biełaruś za kantrabandu naftapraduktaŭ, vyrablenych z rasiejskaj syraviny, pad vyhladam pradukcyi naftachimii — rastvaralnikaŭ i razbaŭlalnikaŭ, jakija pry eksparcie nie abkładajucca mytam. U Rasii padličyli, što tolki sioleta straty ad takoj dziejnaści sajuźnikaŭ skłali bolš jak 2 miljardy dalaraŭ niedaatrymanych ekspartnych płaciažoŭ u rasijski biudžet.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary