Hramadstva44

Pradstaŭniki Huceryjeva adchryścilisia ad chabaru dla Łukašenki 5 młrd dalaraŭ

Pradstaŭniki rasijskaha aliharcha Michaiła Huceryjeva nazvali «łuchtoj» paviedamleńni pra datyčnaść biznesmena da adkatu pry prodažy «Biełaruśkalija».

Nahadajem, što ŭ aŭtorak Alaksandr Łukašenka na sustrečy z pradstaŭnikami rasijskich rehijanalnych ŚMI zajaviŭ, što maskoŭskija aliharchi prapanoŭvali praz «adnaho Mišu» 5 miljardaŭ dalaraŭ za prodaž kampanii «Biełaruśkalij» nižej za pryznačany raniej košt ($30–32 młrd). Łukašenka taksama paviedamiŭ, što na adzin z svaich dzion naradžeńnia atrymaŭ ad rasijanina ŭ padarunak aŭtamabil Maybach.

U presie źjavilisia asacyjacyi, što pad zamožnym rasijskim «siabram Mišam» chavajecca pradprymalnik Michaił Huceryjeŭ.

«Heta niejkaja łuchta. Navošta pradprymalniku, jakomu biełaruski ŭrad davieryŭ realizacyju adnaho z najbujniejšych inviestycyjnych prajektaŭ, zajmacca takimi rečami, ryzykavać?» — skazaŭ pradstaŭnik «RussNiefti». Inšy mieniedžar z kampanii, padkantrolnaj Huceryjevu, nazvaŭ hetyja paviedamleńni «niejkim nieparazumieńniem», pry hetym paćvierdziŭ, što «ŭ ich (Huceryjeva i Łukašenki) dobryja adnosiny».

Miž Huceryjevym i biełaruskimi ŭładami ŭžo daŭno skłalisia tryvałyja družalubnyja adnosiny.

Huceryjeŭ praz padkantrolnuju jamu «RussNiefť» i jaje biełaruskuju «dačku» pastaŭlaje čornaje zołata na biełaruskija NPZ.
Niadaŭna śpiecpradstaŭnikom kampanii ŭ Biełarusi staŭ eks-ministr zamiežnych spraŭ Siarhiej Martynaŭ.

U kastryčniku 2011 hoda padkantrolnaja Huceryjevu kampanija GCM Global Energy Plc padpisała pahadnieńnie z uradam Biełarusi ab budaŭnictvie horna-abahačalnaha kompleksu pa vytvorčaści kalijnych uhnajeńniaŭ z abjomam inviestycyj nie mienš za 1,5 młrd dalaraŭ i prajektnaj mahutnaściu nie mienš jak 1,1 młn ton chłorystaha kaliju ŭ hod. Budaŭnictva šachty płanujecca pačać u sakaviku 2013 hoda, ŭkładańni mohuć dasiahnuć 1,8–2 młrd dalaraŭ, paviedamiŭ na dniach Huceryjeŭ.

Rasiejski aliharch taksama zajmajecca realizacyjaj u Minsku niekalkich deviełapierskich prajektaŭ. U adnym z svaich intervju Huceryjeŭ pryznaŭsia, što ŭ 2007 hodzie ŭciakaŭ z Rasii ŭ Łondan praź Minsk.

U studzieni 2010 hoda Huceryjevu viarnuli kantrol nad «Ruśśniefťju», adnak u krasaviku jon pradaŭ dolu (49 pracentaŭ) u kampanii karparacyi AFK «Sistema» Uładzimira Jeŭtušenkava. Tady ž z Huceryjeva było źniata apošniaje abvinavačvańnie, a kryminalnaja sprava ŭ dačynieńni da jaho spyniena, što zrabiła mahčymym dobraachvotnaje viartańnie biznesmena ŭ Rasiju.

Kamientary4

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie

Usie naviny →
Usie naviny

Zatrymańni ŭ 2020-m, aryšt u 2024-m, emihracyja ŭ 2025-m. Historyja 21-hadovaha biełaruskaha «terarysta»2

Z ptuškafabryki pad Hrodnam prapała 400 jajek kački. Pryčym jajkamany navat sačyli, jak vyłuplivajucca kačaniaty2

Ukraina paviedamiła pra hibiel u Rasii bolš za 200 vajennapałonnych2

U spravie «Trajpła» źjaviŭsia novy pavarot

Jak biełaruskaja kampanija pastaŭlaje ŭ Rasiju brendavaje adzieńnie ŭ abychod sankcyj i ŭ škodu dziaržbiudžetu5

«Ščaślivy z maimi novymi siabrami». Na škłozavodzie «Nioman» u Biarozaŭcy ŭžo niekalki hadoŭ pracuje jehipcianin14

Rasijanina zatrymali ŭ minskim aeraporcie za sprobu vyvieźci skradzienuju piać hadoŭ tamu dačku

Minčanka pastaviła doma kamiery, kab nazirać za stareńkaj maci, i raskryła złačynstva3

Jak biełarusam za miažoj skasavać šlub, nie viartajučysia na radzimu? Spytali ŭ jurystki2

bolš čytanych navin
bolš łajkanych navin

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie

Hałoŭnaje
Usie naviny →

Zaŭvaha:

 

 

 

 

Zakryć Paviedamić