Грамадства44

Прадстаўнікі Гуцэрыева адхрысціліся ад хабару для Лукашэнкі 5 млрд даляраў

Прадстаўнікі расійскага алігарха Міхаіла Гуцэрыева назвалі «лухтой» паведамленні пра датычнасць бізнэсмэна да адкату пры продажы «Беларуськалія».

Нагадаем, што ў аўторак Аляксандр Лукашэнка на сустрэчы з прадстаўнікамі расійскіх рэгіянальных СМІ заявіў, што маскоўскія алігархі прапаноўвалі праз «аднаго Мішу» 5 мільярдаў даляраў за продаж кампаніі «Беларуськалій» ніжэй за прызначаны раней кошт ($30–32 млрд). Лукашэнка таксама паведаміў, што на адзін з сваіх дзён нараджэння атрымаў ад расіяніна ў падарунак аўтамабіль Maybach.

У прэсе з’явіліся асацыяцыі, што пад заможным расійскім «сябрам Мішам» хаваецца прадпрымальнік Міхаіл Гуцэрыеў.

«Гэта нейкая лухта. Навошта прадпрымальніку, якому беларускі ўрад даверыў рэалізацыю аднаго з найбуйнейшых інвестыцыйных праектаў, займацца такімі рэчамі, рызыкаваць?» — сказаў прадстаўнік «РуссНефті». Іншы менеджар з кампаніі, падкантрольнай Гуцэрыеву, назваў гэтыя паведамленні «нейкім непаразуменнем», пры гэтым пацвердзіў, што «ў іх (Гуцэрыева і Лукашэнкі) добрыя адносіны».

Між Гуцэрыевым і беларускімі ўладамі ўжо даўно склаліся трывалыя дружалюбныя адносіны.

Гуцэрыеў праз падкантрольную яму «РуссНефть» і яе беларускую «дачку» пастаўляе чорнае золата на беларускія НПЗ.
Нядаўна спецпрадстаўніком кампаніі ў Беларусі стаў экс-міністр замежных спраў Сяргей Мартынаў.

У кастрычніку 2011 года падкантрольная Гуцэрыеву кампанія GCM Global Energy Plc падпісала пагадненне з урадам Беларусі аб будаўніцтве горна-абагачальнага комплексу па вытворчасці калійных угнаенняў з аб’ёмам інвестыцый не менш за 1,5 млрд даляраў і праектнай магутнасцю не менш як 1,1 млн тон хлорыстага калію ў год. Будаўніцтва шахты плануецца пачаць у сакавіку 2013 года, ўкладанні могуць дасягнуць 1,8–2 млрд даляраў, паведаміў на днях Гуцэрыеў.

Расейскі алігарх таксама займаецца рэалізацыяй у Мінску некалькіх дэвелаперскіх праектаў. У адным з сваіх інтэрв’ю Гуцэрыеў прызнаўся, што ў 2007 годзе ўцякаў з Расіі ў Лондан праз Мінск.

У студзені 2010 года Гуцэрыеву вярнулі кантроль над «Русснефтью», аднак у красавіку ён прадаў долю (49 працэнтаў) у кампаніі карпарацыі АФК «Сістэма» Уладзіміра Еўтушэнкава. Тады ж з Гуцэрыева было знята апошняе абвінавачванне, а крымінальная справа ў дачыненні да яго спынена, што зрабіла магчымым добраахвотнае вяртанне бізнэсмэна ў Расію.

Каментары4

Галыгіна прымусілі апраўдвацца за зварот да сілавікоў у 2020-м17

Галыгіна прымусілі апраўдвацца за зварот да сілавікоў у 2020-м

Усе навіны →
Усе навіны

Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё24

Названы топ-25 кампаній з беларускім капіталам на Падляшшы

Генштаб Украіны паведаміў, што страты Расіі перавысілі 1 мільён чалавек7

Прэзідэнт Сербіі пахваліўся, што не падпісаў дэкларацыю саміту ў Адэсе і «не здрадзіў» Расіі7

У мінскім кафэ заказы развозіць робат-афіцыянт

Хлопчыкі ўжо не ў модзе? Бацькі ўсё часцей хочуць дачок4

У Беларусі зноў сабралі грошы на лячэнне дзіцяці з СМА1

У найбліжэйшы час Ізраіль можа ўдарыць па Іране9

Амерыканскі мільянер прыехаў у Польшчу, каб набыць футбольны клуб, і насмерць падавіўся варэнікам15

больш чытаных навін
больш лайканых навін

Галыгіна прымусілі апраўдвацца за зварот да сілавікоў у 2020-м17

Галыгіна прымусілі апраўдвацца за зварот да сілавікоў у 2020-м

Галоўнае
Усе навіны →

Заўвага:

 

 

 

 

Закрыць Паведаміць