Viadomyja na ŭvieś śviet školniki nadzieli branzaleciki ŭ padtrymku biełaruskich kałhaśnikaŭ, jakija «zmahajucca z uradam», a Isus zaklikaŭ vyzvalić Pussy Riot.
Spampavać hety frahmient mulcika možna tut. Epizod całkam hladzicie na aficyjnym sajcie South Park.
Adzin z hałoŭnych piersanažaŭ mulcika, Sten, admaŭlajecca zdymać branzalecik.Jaho zaprašajuć u telešou, dzie jon vysłuchvaje absurdnuju krytyku za toje, što maje nachabstva nie trymacca ahulnaj dumki.
U škole Sten zaŭvažaje, što inšy navučeniec, Baters, taksama nosić na ruce branzalecik.
«Heta dapamahaje mnie nie zabyvać pra spačuvańnie da ludziej, ― tłumačyć Baters.
― Mianie sapraŭdy ŭzrušyła, kali ja pabačyŭ na Youtube, jak zmahajucca fiermiery ŭ Biełarusi».
«Fiermiery… Dzie?» ― pierapytvaje Sten.
Na ekranie źjaŭlajucca «kadry z Youtube»: dva buldoziery stajać nasuprać kupki ludziej, za śpinami jakich bačnyja hradki z kapustaj.
«Smačna jeści [i dalej nierazborliva]», ― kaža «biełaruskim fiermieram» adzin z buldazierystaŭ (za jaho śpinaj bačny siarednieviečny zamak). Na ekranie ŭ hety čas bačnyja subtytry: «This land is no longer yours!» («Hetaja ziamla bolš nie vaša!»)
Adnak ludzi nie sychodziać, bo paklalisia «stajać na ziamli, jak toj chłopiec u ZŠA, jaki nie źniaŭ branzalecik z ruki».
Nieŭzabavie Sten praz toje, što adziny ŭ ZŠA nie źniaŭ branzalecik W.W.J.D., robicca zorkaj. Adnak žurnalisty znachodziać reštki supierkleja na jaho branzaleciku i abvinavačvajuć jaho ŭ padmanie.
«Viedaješ, što sumna? Što mienavita heta važna dla ludziej. I nichto nie pamiataje pra fiermieraŭ ź Biełarusi. Ty chočaš skazać, što fiermiery ź Biełarusi ― heta fihnia?»― skardzicca Sten svajmu siabru Kajłu.
Adnak na nastupnuju ranicu amal usie navučency škoły apranajuć branzaleciki ŭ padtrymku naroda Biełarusi, bo «biełaruski ŭrad jakraz u hetyja chviliny…»Ale što mienavita robić biełaruski ŭrad, zastajecca
Pry kancy epizoda Isus źjaŭlajecca ŭ Biełarusi, kab urehulavać kanflikt. Jon kaža karespandentu słužby navinaŭ, što pahutaryŭ z uładami i ź fiermierami, i što situacyja vyrašalnaja. U hety momant tank, na fonie jakoha adbyvajecca intervju, stralaje pa natoŭpie. Čuvać aŭtamatnyja čerhi, a praź niekalki siekund napierad rušać buldoziery.
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary