Tramp paraiŭ Ukrainie zhadžacca na ździełku z Rasijaj. Na jakuju — nie raspavioŭ
Paśla sustrečy z Pucinym prezident ZŠA daŭ intervju Fox News. U im jon acaniŭ pieramovy «na dziasiatku», bo «dobra, kali bujnyja jadziernyja dziaržavy razmaŭlajuć».
Tramp abviaściŭ pa vynikach sustrečy, što Pucin choča «vyrašyć prablemu», a Rasija i Ukraina blizkija da ździełki. Jakija paramietry hetaj ździełki, i na što zhodny Pucin, Tramp nie skazaŭ, piša Bi-bi-si.
Nie skazaŭ jon navat, i pa jakich pytańniach jon nie zhodny z rasijskim prezidentam. Tramp zajaviŭ, što na hetaje pytańnie «chacieŭ by nie adkazvać».
Tym nie mienš jon zajaviŭ, što «ciapier sprava za prezidentam Zialenskim». Sam ža amierykanski prezident hatovy arhanizavać sustreču Pucina i Zialenskaha ŭžo na nastupnym tydni.
«Zaraz jany źbirajucca arhanizavać sustreču prezidenta Zialenskaha z prezidentam Pucinym. A ja, zdajecca, navat nie prasiŭ ich ab hetym. Nie toje kab ja chacieŭ tam być, ale ja chaču ŭpeŭnicca, što heta budzie zroblena», — skazaŭ Tramp.
Z hetych słoŭ nie jasna, chto ŭsio ž taki arhanizuje sustreču — Maskva ci Kijeŭ.
Tramp taksama zajaviŭ, što jon i Pucin u mnohim uzhadnili i pytańnie ab harantyjach biaśpieki Ukrainy.
Jon taksama skazaŭ, što raić Zialenskamu zhadžacca na ździełku z Pucinym: «Rasija — vielmi mahutnaja dziaržava, a jany — nie».
Adkazvajučy na pytańnie ab druhasnych sankcyjach u dačynieńni da Kitaja za kuplu rasijskaj nafty, Tramp skazaŭ: «Z-za taho, što adbyłosia siońnia, ja dumaju, pakul nam nie treba pra heta dumać». Ale dapuściŭ, što praz dva-try tydni pra heta znoŭ možna budzie padumać.
Pucin, u svaju čarhu, raspavioŭ Trampu pra niedaskanałaść vybarčaj sistemy ZŠA
Tramp zajaviŭ, što Uładzimir Pucin rastłumačyŭ jamu, čamu jon prajhraŭ papiarednija vybary Džo Bajdenu. Pa viersii Pucina, usia sprava ŭ isnujučaj u ZŠA sistemie hałasavańnia pa pošcie.
Ź jaho słovaŭ, prezident Rasii raspavioŭ, što ni ŭ adnoj krainie bolš niama takoha hałasavańnia, i heta niedemakratyčnaja pracedura, bo biuleteń, dasłany pa pošcie, prachodzić praz mnostva ruk.
Praŭda, hałasavańnie pa pošcie isnuje ŭ mnohich krainach śvietu, naprykład, u Brytanii, Hiermanii, Aŭstryi, Kanadzie, Šviejcaryi i mnohich inšych krainach.
Mižnarodny instytut demakratyi i elektaralnaj dapamohi (IDEA) i Kamisija ZŠA pa dapamozie vybaram adznačajuć, što ŭzrovień paćvierdžanych vypadkaŭ machlarstva pry hałasavańni pa pošcie — vielmi nizki. U ZŠA, naprykład, za pieryjad 2000—2020 hh. vyjaŭlena kala 0,00006% biuleteniaŭ z parušeńniami.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
kopi-pejst:
"Siońnia mnohimi dziejasłoŭ «raspavieści» ŭsprymajecca jak admietnaja adzinka biełaruskaj movy. Na samaj ža spravie hetaje słova zapazyčana zusim niadaŭna. Pryčym zapazyčana jano biez uliku asablivaściaŭ našaj movy.
Pra heta ŭ 1997 hodzie ŭ haziecie «Naša słova» pisaŭ akademik Alaksandr Padłužny
Pra niebiełaruskaje pachodžańnie hetaha słova havaryli nie tolki navukoŭcy. Pisaŭ pra jaho, naprykład, i naš słavuty litaratar Janka Bryl. U jaho knizie 1994 hoda «Viačerniaje» (star. 183) čytajem:
«Ź lubovi da Vałodzi [Karatkieviča] maładyja ŭlapilisia za nabytyja im na vučobie ŭ Kijevie ŭkrainizmy. Raspaviadać — ad rospovidati, ad čaho ŭ ich pajšoŭ i raspavied, i prykry navatvor apoviad, i raspaviadu, a to i takoje ŭ maładoj, šykoŭnaj paetki sa sceny: «Ja vam raspaŭju svoj vierš...» Nibyta jon, šanujučy vas, sahrašyŭ u pialonački».
Takim čynam, kali vy chočacie, kab vaša biełaruskaja mova była naturalnaj, sapraŭdy padobnaj da movy našych prodkaŭ, da movy kłasikaŭ našaj litaratury, to vam varta paźbiahać u maŭleńni dziejasłovaŭ «raspavieści», «raspaviadać». Da taho ž u biełaruskaj, akramia «raskazvać», jość słova «apaviadać» (ale niama «apavieści»). "
Možiet šutka, a možiet diejstvitielno oni zaklučili sdiełku, tolko nie po Ukrainie, a mieždu soboj. Pujło znajet o tŝiesłavii ryžieho bałaboła i, uvierien, ispolzujet eto na 100% dla svojej vyhody.
Ja nie stał by ukraincam i jevropiejcam nadiejaťsia na trampa. On słabak i nie v sostojanii riešiť vopros s vojnoj. Na nieho mnoho kompromata u rf-ii, jeŝio so vriemion konca 20 vieka. I jemu prišłoś by mnohim požiertvovať, čtoby postaviť na miesto pujło.
On nie ta znakovaja dla čiełoviečiestva fihura, kotoraja možiet riešať stol hłobalnyje voprosy.