La škoły ŭ Sucharavie, dzie zahinuŭ chłopčyk, zapalili lichtary
Zdymki byli zroblenyja siońnia a 10:10.
Nahadajem, što viečaram 13 listapada kala hetaj škoły (№ 23) u Minsku, što na vulicy Pimiena Pančanki, pad kołami aŭtamabila zahinuŭ dzieviacihadovy školnik. Najezd adbyŭsia kala 19.00, u škole prachodziŭ baćkoŭski schod. Dzieci hulalisia kala škoły, śviatła nie było, chłopčyk vyskačyŭ pad mašynu. Miedyki sprabavali reanimavać dzicia, ale ničoha nie zmahli zrabić.
- Śledčyja miarkujuć, što trahiedyi nie było b, kali b aŭtamabil, ź jakoj by chutkaściu jon ni ruchaŭsia i ŭ jakim by fizičnym stanie ni znachodziŭsia jaho vadziciel, nie apynuŭsia na terytoryi škoły, parušyŭšy praviły darožnaha ruchu. U pryvatnaści, kiroŭca nie padparadkavaŭsia patrabavańniu znaka «3.2 Ruch zabaronieny», jaki zabaraniaje ruch transpartnych srodkaŭ (dziejańnie znaka nie raspaŭsiudžvajecca tolki na maršrutnyja transpartnyja srodki, jakija ruchajucca pa ŭstanoŭlenych maršrutach, na transpartnyja srodki
Śledčyja adznačajuć, što značnuju rolu ŭ DTZ adyhrali 20 aŭtamabilaŭ, jakija stajali na terytoryi škoły. Vadzicieli niekatorych ź ich parušyli patrabavańnie znaka «3.28 Stajanka zabaronienaja».
Vidavočcy zaznačali, što aproč taho sama placoŭka kala škoły była słaba aśvietlena, jak i vakolicy mnohich škołaŭ krainy.
Siońnia ž ranicaj kala škoły adładzili lichtary. Zrešty, pytańnie nieaśvietlenaści dvaroŭ aktualnaje dla ŭsiaho Minska.
Litva znoŭ začyniła miažu ź Biełaruśsiu — iznoŭ šary z kantrabandaj9
Kamientary