Klasyka Halivuda na vialikim ekranie
Kananičnyja stužki “Ŭsio pra Jevu” i “Huki muzyki”.
U kinateatry “Pieramoha” demanstrujucca kananičnyja halivudzkija stužki “Usio pra Jevu” (2 traŭnia, sierada) i “Huki muzyki” (3 traŭnia, čaćvier). Seansy a 18.30.
Usio pra Jevu (All About Eve)
ZŠA, 1950, čorna-bieły, 138 chv.
Režyser: Džozef Lea Mankievič
Roli vykonvajuć: Bet Devis, En Bakster, Džordž Sanderz, Selesta Hołm, Hery Merył, Barbara Bejts, Merylin Manro
Žanr: Drama
Pryzy i naminacyi: “Oskary”, “Załaty hlobus”, Kanski fest.
Sastarełaja zorka Bradveju Marho Čeninh (Bet Devis) maje ŭsio: słavu, siabroŭ, paluboŭnika. Padabranaja na vulicy teatrałka Jeva (En Bakster) dapamahaje Marho ŭ štodzionnych kłopatach. Ale, nasamreč, Jevaj (imia skradziena!) ruchaje ambitnaje žadańnie samoj zaniać miesca Marho Čeninh. Cyničny krytyk Edysan De Vit (Džordž Sanderz) vyrašaje paspryjać karjerystcy. Jeva stanovicca talenavitaj vučanicaj – i idzie da viaršyniaŭ słavy praz padmany j zdradu.
Hetaja karcina zdymałasia ŭ časy, kali ŭ Halivudzie šče panavali aktrysy, jakija byli bolej, čym zorkami. Bet Devis – najpieršaja ź ich. Jejnaja Marho Čeninh kapryźlivaja, ściarvoznaja, uładalubnaja – i vialikaja. Šykoŭnaja rola, za jakuju Devis była vielmi ŭdziačnaja Mankieviču. Nadalej takich zorak užo nie było.
I nat Merylin Manro na ŭźlocie svajoj karjery (u stužcy pramilhnuła ŭ epizodzie) – tolki namiakaje na karaleŭski status.
Huki muzyki (Sound of Music)
ZŠA, 1965, kalarovy, 174 chv.
Režyser: Robert Ŭajz
Roli vykonvajuć: Džuli Endrus, Krystafer Płamer, Eleanor Parkier, Ryčard Hejdn, Pehi Vud
Žanr: Siamiejny mjuzykał
Pryzy i naminacyi: “Oskary”, “Załaty hlobus”
Aŭstryja. Kaniec 30-ych hadoŭ. Aŭdavieły baron (Krystafer Płamer) šukaje ŭ klaštary huvernantku dla svaich dzietak. Byłaja vychavalnica klaštaru Maryja (Džuli Endrus) vučyć dziaciej bačyć pryhažość, śpiavać pieśni j stavić chatnija spektakli. U dom prychodzić śviatło j supakoj. Dyj sam baron traplaje pad čary hieraini.
Tym časam Niamieččyna aneksuje Aŭstryju…
Karcina Roberta Ŭajza, trapna raźličanaja na ŭsich i na kožnaha , uznačalvaje śpis najlepšych mjuzykłaŭ.
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj20
Kamientary