3 traŭnia skončyŭsia vizyt kiraŭnika biełaruskaj dziaržavy ŭ Azerbajdžan. "My ni z adnoj inšaj dziaržavaj tak chutka nie dahavorvalisia ab kankretnaj prahramie dziejańniaŭ", šmatznačna zajaviŭ Łukašenka.
Prezident Biełarusi Alaksandr Łukašenka 3 maja sustreŭsia z premjer‑ministram Azierbajdžana Arturam Rasi‑zade. Na pierahavorach abmiarkoŭvalisia praktyčnyja pytańni dvuchbakovaha supracoŭnictva.
Alaksandr Łukašenka pazityŭna acaniŭ chod supracoŭnictva pamiž Biełaruśsiu i Azierbajdžanam i realizacyju ŭžo dasiahnutych damoŭlenaściej. Na jaho dumku, supracoŭnictva z Azierbajdžanam moža stać dobrym prykładam pry ŭzajemadziejańni Biełarusi ź inšymi dziaržavami. Ab hetym BIEŁTA paviedamili ŭ pres‑słužbie biełaruskaha lidera.
«Napiaredadni my z prezidentam Azierbajdžana praviali rezultatyŭnyja pierahavory. My ni z adnoj inšaj dziaržavaj tak chutka nie dahavorvalisia ab kankretnaj prahramie dziejańniaŭ. Heta dobry prykład i dla nas, i dla inšych», — skazaŭ prezident Biełarusi.
Alaksandr Łukašenka dadaŭ, što ŭ chodzie ciapierašniaha vizitu azierbajdžanski i biełaruski baki paćvierdzili zacikaŭlenaść i namiery raźvivać supracoŭnictva.
Kiraŭnik biełaruskaj dziaržavy vykazaŭ słovy ŭdziačnaści za adkrytaść Azierbajdžana dla supracoŭnictva ź Biełaruśsiu pa roznych napramkach.
Paśla zaviaršeńnia pierahavoraŭ Alaksandr Łukašenka naviedaŭ Fond Hiejdara Alijeva. Prezident Biełarusi aznajomiŭsia z ekspazicyjaj fondu i pakinuŭ zapis ŭ Knizie hanarovych haściej: «Žyćciovy šlach Hiejdara Alijeva — uvasableńnie mudraści, prykład samaaddanaj, śmiełaj i maštabnaj dziejnaści. Jaho idei i duchoŭnaja spadčyna buduć sadziejničać praćvitańniu vialikaha azierbajdžanskaha naroda».
Fond Hiejdara Alijeva zajmajecca raspracoŭkaj i realizacyjaj prajektaŭ u śfiery navuki, adukacyi, kultury, achovy zdaroŭja, sportu, ekałohii i mižnarodnaha humanitarnaha supracoŭnictva i adyhryvaje vielmi važnuju rolu ŭ vyrašeńni aktualnych sacyjalnych pytańniaŭ.
U hety ž dzień Alaksandr Łukašenka i Ilcham Alijeŭ pryniali ŭdzieł u cyrymonii adkryćcia Nacyjanalnaj vystaŭki Respubliki Biełaruś u Azierbajdžanie. Prezidenty aznajomilisia z ekspazicyjaj, na jakoj pradstaŭlena pradukcyja bolš jak dvuchsot pradpryjemstvaŭ Biełarusi. U ich liku — Minski aŭtamabilny zavod, Minski traktarny zavod, «Amkador», «Homsielmaš», zavod «Mahiloŭliftmaš», «Biełšyna» i inšyja.
Na vystaŭcy taksama šyroka pradstaŭleny inviestycyjny patencyjał našaj respubliki, viadučyja navukovyja raspracoŭki Nacyjanalnaj akademii navuk Biełarusi. U chodzie naviedvańnia vystaŭki prezident Azierbajdžana Ilcham Alijeŭ daŭ vysokuju acenku jakaści biełaruskaj pradukcyi. Tut ža na vystaŭcy było abmierkavana pytańnie pašyreńnia zboračnaj vytvorčaści biełaruskich traktaroŭ u Azierbajdžanie i dadzieny adpaviednyja daručeńni.
Paśla aznajamleńnia z ekspanatami vystaŭki Alaksandr Łukašenka i Ilcham Alijeŭ pradoŭžyli razmovu za sumiesnym łančam.
3 maja zaviaršyŭsia aficyjny vizit Prezidenta Respubliki Biełaruś Alaksandra Łukašenki ŭ Azierbajdžan.
Ciapier čytajuć
Syn Natalli Piatkievič z prydychańniem raskazaŭ, što znajšoŭ rabotu ŭ picierskaj firmie12
Kamientary