Dziaržaŭny abvinavaŭca prosić pryhavaryć viadomaha vykanaŭcu Viktara Kalinu da šaści hadoŭ pazbaŭleńnia voli, jaho žonku Śviatłanu Kalinu — da piaci. Jak paviedamiŭ BiełaPAN advakat V.Kaliny Aleh Dubaviec, hetaje rašeńnie było ahučana 5 červienia na pasiadžeńni suda Pieršamajskaha rajona stalicy.
Nahadajem, słuchańnie pa spravie V.Kaliny i jaho žonki pačałosia 29 maja. Viktaru Kalinie inkryminujucca machlarskija dziejańni, jakija jon učyniŭ dla atrymańnia strachoŭki za nibyta vykradzieny aŭtamabil. V.Kalina abvinavačvajecca ŭ arhanizacyi machlarstva ŭ asabliva bujnym pamiery (č. 4 art. 16 i č. 4 art. 209 KK), arhanizacyi zaviedama padmannaha danosu (č. 4 art. 16 i č. 2 art. 400 KK) i zaviedama padmannym pakazańni (č. 2 art. 401 KK). Śviatłana Kalina abvinavačvajecca va ŭčynieńni machlarstva ŭ asabliva bujnym pamiery (č. 4 art. 209 KK).
Pavodle słoŭ dziaržaŭnaha abvinavaŭcy, muž i žonka pradali aŭtamabil «Miersiedes‑Bienc», a paźniej zajavili ab jaho vykradańni ŭ Maskvie ŭ pravaachoŭnyja orhany Rasijskaj Fiederacyi. Žonka śpievaka była zatrymana ŭ Minsku pry atrymańni strachoŭki za nibyta vykradzienuju mašynu.
Na sudzie 29 maja V.Kalina zajaviŭ ab svajoj nievinavataści ŭ machlarstvie. Jon pryznaŭ vinu tolki ŭ tym, što častkova davaŭ zaviedama padmannyja pakazańni. Jaho žonka nie pryznała svaju vinu poŭnaściu.
Pavodle słoŭ advakata, pryhavor pa spravie V.Kaliny i jaho žonki budzie abvieščany 12 červienia.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary