Mierkavańnie eksperta
Padziei vybarčaje kampanii analizuje Viktar Čarnoŭ, palitolah, vykanaŭčy dyrektar fondu “Adkrytaje hramadztva”.
“U dziejańniach ułady jaŭna prahladajecca siłavy scenar praviadzieńnia budučych prezydenckich vybaraŭ. Vykarystoŭvajecca taja samaja metodyka, što j na parlamenckich uvosieni. Adsieŭ kandydataŭ na stadyi rehistracyi. Vylićcio na ich patokaŭ brudu. Zaviadzieńnie kryminalnych spravaŭ. Mahčyma, rehistracyju projduć tolki marhinalnyja, niedemakratyčnyja kandydaty. Hetuju niebiaśpieku možna pieraadoleć, kali hramadztva zdoleje mabilizavacca na supraciŭ sprobam “adstralać” kandydataŭ pierad rehistracyjaj. Adna z prablemaŭ, jakuju vyrašaje apazycyja, heta kolkaść kandydataŭ, ź jakoju vychodzić na rehistracyju: ci to vyłučać adnaho, ci jści na rehistracyju hurtam. Pažadana, kab apazycyja zmahła b vyznačycca z adzinym kandydatam jašče da rehistracyi, raskrucić jaho. Kali pojduć niekalki kandydataŭ, niebiaśpieka ichnaje nierehistracyi naŭrad ci źmienšycca, bo akramia demakrataŭ, rehistravacca buduć i marhinały nakštałt Levanieŭskaha, pseŭdademakraty Hajdukievič dy Kalakin. Łukašenka pakinie ich, bo jany jamu nie pahražajuć, a surjoznych palitykaŭ “vyrubić”. Ułada vyrašyć prablemu kankurentaŭ Łukašenki dy zachavaje vyhlad demakratyčnych vybaraŭ (“nia ŭsich ža kandydataŭ źniali”). Usich niebiaśpiečnych dla Łukašenki kandydataŭ hatovyja abjavić kryminalnikami. Stvarajuć uražańnie abłožanaje fartecyi, dzie vorahi - skroź. Jaskravy prykład – ekstra-vypusk pieradačy Zimoŭskaha ŭ sieradu».
Kamientary