7 krasavika ŭ šachklubie Biełaruskaha nacyjanalnaha techničnaha ŭniversytetu (BNTU) nie adzin naviednik spatyknuŭsia ab čarody ŭmieła spakavanych torbaŭ. Na apošni tur čempijanatu krainy siarod VNU studenty, mahistranty j aśpiranty, što musili jechać dachaty, jak zaviedziena, prychapili svaje tranty.
U sioletnim pieršynstvie zhulała rekordnaja kolkaść kamand (19), jakija pradstaŭlali ŭsie abłasnyja centry, akramia Viciebsku. Zatoje svaju kamandu — ź mižnarodnym majstram Vitalem Ciecieravym na čale — vystaviŭ Połacki ŭniversytet. Letaś na ŭniversijadzie družnyja pałačanie zavajavali «zołata», sioleta — «sierabro». Dyk i skład turniru staŭ macniejšym; tak, za ŭniversytet fizkultury vystupili Siarhiej Azaraŭ i Andrej Žyhałka, za BNTU — Mikita Majoraŭ. U bieraściejcaŭ na pieršaj došcy krasavałasia čempijonka krainy Hanna Šarevič, na čyje chudzieńkija plečy vypaŭ i kapitanski ciažar. Pavodle ahulnaha praviła, studentki hulali na apošniaj došcy.
Los pieršych miescaŭ vyrašyŭsia ŭ dramatyčnaj partyi pamiž lideram zbornaj BDEU Michaiłam Hinzburham i Siarhiejem Azaravym z universytetu fizvychavańnia. Hetych siabrukoŭ-«viaśniankaŭcaŭ» abkružyła ščylnaja ściana raziavakaŭ. Chtości ź niaŭdałych hledačoŭ źbiraŭsia ŭžo biehčy pa drabiny, kali Azaraŭ zdaŭsia — upieršyniu ŭ turniry. M.Hinzburh, nie prajhraŭšy ni razu, uziaŭ pieršaje miesca na pieršaj došcy, a kamanda BDUFK adkaciłasia na treciaje miesca. Vyjhrali pieršynstvo haspadary placoŭki — zbornaja BNTU, jakuju treniruje Vital Karniłovič.
Poŭny varyjant čytajcie ŭ papiarovaj i pdf-versii hazety "Naša Niva"
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy17
Kamientary