Вайна беспрацоўным
Падрыхтаваныя ў Закон аб занятасьці насельніцтва зьмены ўвядуць больш жорсткія патрабаваньні для атрыманьня статусу беспрацоўнага. Калі беспрацоўнага накіруе на прафэсійную перападрыхтоўку аддзел занятасьці, такія людзі будуць лічыцца працоўнымі.
Удар па аўтаперагоншчыках
У кожнай вобласьці будзе створаны мытны склад для гандлю замежнымі аўтамабілямі пад кантролем Дзяржаўнага мытнага камітэту й МУС. Такое даручэньне дадзена Лукашэнкам ураду. Дагэтуль фізычныя асобы плацілі нашмат менш, чым фірмы. З 1 лістапада мытны склад на «Ждановічах» стане папаўняцца легкавікамі.
Беларускі Winston
У сьнежні ў продажы зьявяцца цыгарэты Winston, вырабленыя ў Беларусі. Міжнародная кампанія JTI перадала ліцэнзійныя правы на вытворчасьць гэтай маркі менскаму ТАА «Тытунь-інвэст». Беларусь стане першай краінай, дзе цыгарэты Winston будзе рабіць не рэгіянальнае прадстаўніцтва JTI, а іншы вытворца. Зь лютага «Тытунь-інвэст» вырабляе таксама цыгарэты Magna і Monte Carlo.
Чарговае «павышэньне»
З 1 кастрычніка павышана тарыфная стаўка першага разраду з 51 тыс. да 58 тыс. руб. Базавая велічыня павышана з 25,5 тыс. да 29 тыс. руб. Перад гэтым тарыфная стаўка павышалася 1 красавіка.
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары