Vajna biespracoŭnym
Padrychtavanyja ŭ Zakon ab zaniataści nasielnictva źmieny ŭviaduć bolš žorstkija patrabavańni dla atrymańnia statusu biespracoŭnaha. Kali biespracoŭnaha nakiruje na prafesijnuju pierapadrychtoŭku adździeł zaniataści, takija ludzi buduć ličycca pracoŭnymi.
Udar pa aŭtapierahonščykach
U kožnaj vobłaści budzie stvorany mytny skład dla handlu zamiežnymi aŭtamabilami pad kantrolem Dziaržaŭnaha mytnaha kamitetu j MUS. Takoje daručeńnie dadziena Łukašenkam uradu. Dahetul fizyčnyja asoby płacili našmat mienš, čym firmy. Z 1 listapada mytny skład na «Ždanovičach» stanie papaŭniacca lehkavikami.
Biełaruski Winston
U śniežni ŭ prodažy źjaviacca cyharety Winston, vyrablenyja ŭ Biełarusi. Mižnarodnaja kampanija JTI pieradała licenzijnyja pravy na vytvorčaść hetaj marki mienskamu TAA «Tytuń-invest». Biełaruś stanie pieršaj krainaj, dzie cyharety Winston budzie rabić nie rehijanalnaje pradstaŭnictva JTI, a inšy vytvorca. Ź lutaha «Tytuń-invest» vyrablaje taksama cyharety Magna i Monte Carlo.
Čarhovaje «pavyšeńnie»
Z 1 kastryčnika pavyšana taryfnaja staŭka pieršaha razradu z 51 tys. da 58 tys. rub. Bazavaja vieličynia pavyšana z 25,5 tys. da 29 tys. rub. Pierad hetym taryfnaja staŭka pavyšałasia 1 krasavika.
Čaho čakaje Polšča ad Minska i ci zakryje znoŭ miažu na hetym tydni?26
Kamientary