Суд Бабруйскага раёна і Бабруйска прыгаварыў 31-гадовага мясцовага жыхара да васьмі гадоў пазбаўлення волі ў папраўчай калоніі ва ўмовах узмоцненага рэжыму за злачынствы, прадугледжаныя ч. 3 арт. 147 КК (наўмыснае нанясенне цяжкага цялеснага пашкоджання, якое пацягнула па неасцярожнасці смерць пацярпелага) і ч. 2 арт. 384 КК (прымус да выканання абавязальніцтваў з ужываннем гвалту).
Як распавяла БелаПАН старшы памочнік пракурора Магілёўскай вобласці Ала Кузняцова, злачынства было здзейснена ў адзін з дзён кастрычніка 2011 года. Гуляючы разам са сваёй 29-гадовай сяброўкай, з якой разам выхоўваўся ў школе-інтэрнаце і да якой калісьці меў сымпатыю, падпіты мужчына перадаў жанчыне па яе просьбе патэлефанаваць свой мабільны тэлефон.
Затым, прыйшоўшы ў дом да свайго сябра, які таксама раней выхоўваўся з імі ў школе-інтэрнаце, і пасля заканчэння вучобы пражываў са сваёй маці, усе разам распівалі спіртныя напоі.
Асуджаны, успомніўшы, што ён аддаў мабільны тэлефон прыяцельцы, стаў патрабаваць у яе, каб яна вярнула яму апарат. Пачуўшы ў адказ, што тая не ведае, дзе тэлефон, стаў пагражаць, што спаліць яе. На гэта сябар, у якога ў доме пілі, прынёс бутэльку з газай. Абвінавачаны абліў ёю прыяцельку і падпаліў.Убачыўшы, што адзенне жанчыны загарэлася, гаспадыня кватэры разам з сынам накінулі на яе коўдру, каб згасіць агонь, а затым аблілі вадой. Напаілі яе спіртным, паклалі спаць і самі заснулі.
Прачнуліся яны ад таго, што пляменніца, якая пражывала ў другой палове дома, пачула гучныя крыкі пацярпелай, выклікала хуткую дапамогу і жанчыну адправілі ў бальніцу. Тут яна памерла ад атрыманых апёкаў 2-й, 3-й і 4-й ступені, якія склалі 50-55% паверхні цела.
Прысуд быў абвешчаны 16 лістапада 2012 г і цяпер ўступіў у сілу.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары