У справе аб гібелі папулярнага акцёра Андрэя Паніна з’явіліся новыя абставіны.
Блізкі сябар артыста Барыс Палунін заявіў, што на момант знаходжання цела Паніна ўся кватэра была залітая крывёю.
Нагадаем, пра смерць артыста стала вядома 7 сакавіка. На працягу чатырох дзён з акцёрам не маглі звязацца блізкія. Адзін са знаёмых артыста прыехаў да яго дадому і выявіў у кватэры цела Паніна з траўмай галавы. 10 сакавіка следчыя распачалі крымінальную справу па факце смерці Андрэя Паніна. Справа ўзбуджаная для правядзення судмедэкспертызаў, якія змогуць даць канчатковыя адказы і дазволяць выявіць сапраўдныя прычыны смерці Паніна. «Крымінальная справа ўзбуджаная па артыкуле «Нанясенне цяжкай шкоды здароўю, што пацягнула смерць пацярпелага», — паведаміў афіцыйны прадстаўнік Следчага камітэта РФ Уладзімір Маркін. Пры гэтым ён адзначыў, што
следчыя маюць усе падставы меркаваць, што смерць акцёра была негвалтоўнай.
Прайшло ўжо больш за дзевяць дзён з дня гібелі Паніна, аднак да гэтага часу невядомыя акалічнасці смерці артыста. Цяпер жа з каментарамі выступіў блізкі сябар артыста, акцёр Барыс Палунін. Ён апынуўся ў кватэры разам з тымі, хто знайшоў цела Паніна. «Кроў была ва ўсіх пакоях», — цытуе артыста сайт газеты «Комсомольская правда». Па словах Палуніна,
Андрэя Паніна знайшлі ў кухні, пры гэтым балкон быў зачынены і падпёрты кухонным сталом і крэсламі.
Таксама Палунін заявіў, што ў апошні час Андрэй Панін зусім не ўжываў алкаголю:
«Раней, калі выпіваў, выбіраў добрае віно. Гарэлкі наагул ніколі не піў. Тым больш такую танную, як знайшлі!Вось такія рэчы і выклікаюць падазрэнне, што не так усё проста ў гэтай гісторыі. Яшчэ я заўважыў, што
многія рэчы ў кватэры былі ссунутыя з звыклых месцаў. Да прыкладу, ключ ад уваходных дзвярэй чамусьці ляжаў на кухні, хоць Андрэй заўсёды пакідаў яго ў замку.У яго была такое ўласцівасць: калі рэч ляжала не на сваім месцы, яго гэта ятрыла. Таму, каб не шукаць ключа, ён увесь час пакідаў яго ў замку».
Барыс Палунін не выключае, што Паніна маглі пакалечыць вулічныя хуліганы.
«Ужо калі апячаталі кватэру, прыбег участковы і сказаў, маўляў, прыбіральшчыца, якая мые пад’езд, прызналася яму, што не так даўно бачыла ў параднай шмат крыві.Эксперт на гэта сказала: «Тады зразумела, чаму мы знайшлі Паніна ў куртцы. Магчыма, што ён прыйшоў з вуліцы з гэтай траўмай! «Андрэй заўсёды хадзіў дома ў любімых шортах. А паліцыя выявіла яго ў вельветавых штанах і пухавіку!» — расказаў сябар акцёра.
Пры канцы Палунін адзначыў: «Я ведаю, што прыцягнутыя сур’ёзныя эксперты. Да прыкладу,
яны да гэтага часу не могуць знайсці ў кватэры месца, аб якое Андрэй мог так моцна стукнуцца галавой.Калі не могуць знайсці, тады траўму ён мог атрымаць на вуліцы».
Каментары