Ва УУС Менгарвыканкаму абвяргаюць інфармацыю пра разгон спэктаклю «Свабоднага тэатру».
Пра гэта паведамляе afn.by са спасылкай на Інтэрфакс. «Менская міліцыя аказалася ў прыватным доме ў раёне плошчы Бангалор, у сувязі з паступіўшым тэлефанаваньнем пра выбух».
Нагадаем, што ўчора ўвечары ў прыватным катэджы ў Менску мелася адбыцца прэм’ера спэктаклю па п’есе Э.Бонда «Адзіннаццаць кашуль».
Перад самым пачаткам імпрэзы, на якую сабраліся каля 50 гледачоў, завіталі супрацоўнікі ПМСП. Яны і затрымалі ўсіх прысутных. Потым усіх гледачоў, актораў, а таксама замежных гасьцей адвезьлі ў РУУС Савецкага раёну Менску, дзе выпусьцілі толькі апоўначы.
Каментары