Яго затрымалі 31 мая.
Раніцай 31 траўня да Паўла Вінаградава міліцыянты прыйшлі на кватэру і забралі ў Маскоўскі райаддзел міліцыі. «Сказалі, што дзеля прафіляктычнай размовы», — паведаміў Павал карэспандэнту Свабоды праз мабільны тэлефон. Але Павал Вінаградаў ня верыў у тлумачэньні міліцыянтаў і прытрымліваўся іншай вэрсіі свайго часовага затрыманьня.
«Мяркую, гэта ў сувязі з прыбыцьцём сёньня ў Менск высокіх гасьцей. Каб я, ня дай Бог, не зрабіў нечага супрацьпраўнага і гэтым не зьняважыў высокіх гасьцей. Мяркую — гэта асноўная прычына. Але нічога супрацьпраўнага я не зьбіраўся рабіць і ўвогуле нічога не зьбіраўся рабіць у сувязі з гэтым самітам. Але, відаць, у міліцыю трапляюць нейкія іншыя зьвесткі, ці проста вырашылі падстрахавацца, ня ведаю».
Паўлу Вінаградаву, як ён лічыць, давядзецца прабыць у міліцыі амаль да 8 вечара, калі пачнецца час, пасьля якога яму забаронена выходзіць на вуліцу. Ніякай прафіляктычнай размовы зь ім не было, час ён бавіў, чытаючы кнігу.
Каментары