Пераможцамі ў гэтым спаборніцтве сталі супрацоўнікі Дзяржаўтаінспекцыі. Жаданне кіроўцы пагуляць вызначалася колькасцю спіртнога — медагляд паказаў наяўнасць алкаголю 2,5 праміле.
На Гарачую лінію TUT.BY прыйшло паведамленне ад чытача Антона.
«2 чэрвеня ў горадзе Ліда каля 7 гадзін раніцы пачаўся пераслед п’янага кіроўцы на аўтамабілі Ford Focus. Аўтамабіль Ford не рэагаваў на загады супрацоўнікаў ДАІ спыніцца, і лётаў па цэнтры горада, не звяртаючы ўвагі на святлафоры і знакі, з хуткасцю каля 100 км/г».
Начальнік аддзялення агітацыі і прапаганды УДАІ УУС Гродзенскага аблвыканкама Яўген Дудко пацвердзіў інфармацыю і расказаў падрабязнасці здарэння.
Малады расіянін усю ноч гуляў у рэстаранах Ліды. Пад раніцу ён пазнаёміўся з беларусам — сяброўства вырашылі замацаваць півам, за якім і адправіліся ў індустрыяльны пасёлак Ліды па звілістай і пераборлівай траекторыі. Відавочцы патэлефанавалі ў ДАІ і паведамілі, што за рулём Ford Focus з транзітнымі нумарамі знаходзіцца неадэкватны кіроўца.
На вуліцы Свярдлова супрацоўнікі Дзяржаўтаінспекцыі паспрабавалі спыніць кіроўцу Ford. Патрабаванне спыніцца малады чалавек праігнараваў, і паспрабаваў сысці ад ДАІ на максімальнай хуткасці — вуліца Савецкая, Міцкевіча, праспект Перамогі, зноў Міцкевіча… Пагоня за Ford працягвалася каля паўгадзіны, у ёй былі задзейнічаныя два экіпажы ДАІ і служба аховы.
Затрымалі п’янага расейца ў двары дома па вуліцы Міцкевіча. Медагляд паказаў у крыві расіяніна 2,5 праміле.
— На шчасце, у нядзельную раніцу, вуліцы Ліды былі пустымі, таму бесшабашная язда кіроўцы Ford не нанесла нікому шкоды, — сказалі ў ДАІ.
Цяпер чытаюць
«Калаўра мы не пакрыўдзілі»: стала вядома пра новае месца працы былога старшыні Нацбанка2
Каментары