13 ліпеня каля тысячы рыцараў з Польшчы, Беларусі, Расіі, Чэхіі і Фінляндыі прыняло ўдзел у рэканструкцыі Грунвальдскай бітвы.
Мерапрыемства прайшло на тым жа месцы, дзе адбылася бітва 603 года таму. Згодна з гістарычнай праўдай у бітвы перамагло аб’яднанае войска Польшчы і Вялікага княства Літоўскага, паведамляюць польскія СМІ.
Сапсавала свята толькі надвор’е. Дождж пачаўся незадоўга да рэканструкцыі. У сувязі з гэтым арганізатарам прыйшлося змяніць сцэнар бітвы і абмежаваць удзел у ёй конніцы. Аднак нягледзячы на неспрыяльныя ўмовы, убачыць бітву прыйшло каля 40 тысяч гледачоў.
***
Грунвальдская бітва 15 ліпеня 1410 года — бітва паміж злучаным войскам Польшчы і Вялікага Княства Літоўскага і войскам Тэўтонскага ордэна.
Поўную перамогу ў ёй атрымала саюзнае войска Польшчы і ВКЛ. Загінулі 18 тысяч нямецкіх рыцараў, яшчэ 14 тысяч былі ўзятыя ў палон, а ўратавалася толькі крыху больш за 1400 чалавек. Былі забраныя ўсе гарматы і 52 сцягі крыжацкага войска.
Палітычнае значэнне бітвы было беспрэцэдэнтным у гісторыі Польшчы і ВКЛ — была спынена нямецкая экспансія на прыбалтыйскія і ўсходнеславянскія землі, і пакладзены пачатак палітычнаму заняпаду Тэўтонскага ордэна. Эканоміка ВКЛ атрымала выхад на балтыйскія гандлёвыя шляхі.
Цяпер чытаюць
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара1
Каментары