Прэзідэнт Грузіі Міхаіл Саакашвілі выступіў супраць аднаўлення помніка Іосіфу Сталіну ў Горы. Адпаведную заяву ён зрабіў у Польшчы, дзе знаходзіцца з візітам.
Кіраўнік краіны абвінаваціў Сталіна ў злачынствах супраць грузінскай дзяржаўнасці і назваў яго «антыгрузінам».
«Аднаўленне помніка «антыгрузіну», які здзейсніў антыдзяржаўныя і варварскія дзеянні супраць нацыі, прывядзе да міжнароднай ізаляцыі Грузіі...», — сказаў Саакашвілі.
Саакашвілі звярнуўся да кіраўніка ўрада Бідзіны Іванішвілі (падкрэсліўшы, што менавіта Іванішвілі «прымае ва ўрадзе рашэнні») з заклікам перагледзець рашэнне аб помніку.
Ва ўнісон з прэзідэнтам выказаўся і яго паплечнік, сакратар Рады бяспекі Грузіі Гіга Бакерыя. Спаслаўшыся на паведамленні СМІ, ён адзначыў, што рашэнне аб вяртанні помніка прынятае міністэрствам культуры Грузіі.
«Хачу заклікаць прэм'ера і новую ўладу змяніць дадзенае рашэнне і не вяртаць помнік кату ў нашы гарады», - заявіў Бакерыя.
Раней стала вядома, што Міністэрства культуры падтрымала ініцыятыву гарадскога сходу Горы (малой радзімы Сталіна) аб аднаўленні там помніка савецкаму правадыру. Яго плануюць аднавіць да канца года.
Сяміметровы помнік Іосіфу Сталіну быў усталяваны ў цэнтры Горы ў 1952 годзе. Скульптуру дэмантавалі летам 2010 года.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары