Пракуратура Барысаўскага раёну вынесла афіцыйнае папярэджаньне аб недапушчальнасьці парушэньня закону старшыні мясцовай суполкі Партыі БНФ Сяргею Салашу.
3 верасьня пракуратура Барысаўскага раёну вынесла афіцыйнае папярэджаньне аб недапушчальнасьці парушэньня закону старшыні мясцовай суполкі Партыі БНФ Сяргею Салашу.
У папярэджаньні на імя Салаша пішацца: “У ходзе праверкі, праведзенай пракуратурай Барысаўскага раёну, устаноўлена, што Вы зьяўляецеся ўдзельнікам “ГК “За чысты Барысаў!” Дадзеная грамадзкая ініцыятыва згодна зь лістом Міністэрства юстыцыі не рэгістравалася”.
Салаша папярэджваюць, што ў выпадку невыкананьня патрабаваньняў ён можа быць прыцягнуты да крымінальнай адказнасьці па артыкуле 193 КК “Удзел у назарэгістраванай арганізацыі”. Ліст падпісаны пракурорам раёну Шпакоўскім.
Раней па гэтым самым артыкуле судзілі сяброў незарэгістраваных арганізацыяў “Партнэрства” і “Малады фронт”.
Каментары