Свой першы матч у Нацыянальнай хакейнай лізе правёў беларускі абаронца Дзмітрый Корабаў. Дэбют прыпаў на гульню «Тампы» ў гасцях з «Лос-Анджэлесам».
«Тампа» прайграла 2:5, а Дзмітрый правёў за «маланак» 13 хвілін 21 секунду.
Дзмітрый Корабаў быў выкліканы ў асноўны склад «Тампы» з фарм-клуба на мінулым тыдні пасля таго, як траўмы атрымалі два абаронцы фларыдскай каманды.
У АХЛ (Амерыканская хакейная ліга — другая па значнасці ліга пасля НХЛ у Амерыцы) Корабаў выступае за «Сірак'юз» (а ў 2011-2012 ён гуляў за «Дынама» Мінск), за больш чым год у «Сірак'юзе» Корабаў правёў 65 гульняў, закінуў тры шайбы, зрабіў 19 галявых перадачаў, каэфіцыент карыснасці +20.
Наступныя два матчы «Тампа» таксама правядзе ў Каліфорніі: 21-га лістапада супраць «Сан-Хасэ», а 22-га — з «Анахаймам».
За «Вашынгтон Кэпіталз» выступае беларускі форвард Міхаіл Грабоўскі. Больш беларусаў у НХЛ няма.
Goals.by дадае, што наогул Корабаў стаў 9-м беларусам, якія гулялі ці гуляюць у НХЛ.
Раней свае сілы ў мацнейшай лізе свету спрабавалі Аляксандр Андрыеўскі («Чыкага»), Алег Мікульчык («Вініпег», «Анахайм»), Уладзімір Цыплакоў («Лос-Анджэлес», «Бафала»), Руслан Салей («Анахайм», «Фларыда»), Канстанцін Кальцоў («Пітсбург»), Андрэй Касціцын («Манрэаль») і Міхаіл Грабоўскі («Манрэаль»,«Вашынгтон»), Сяргей Касціцын («Манрэаль»). Найбольшы стаж у НХЛ у Руслана Салея — 11 сезонаў і 746 матчаў.
Цяпер чытаюць
Беларусам, якія сядзяць на хатняй хіміі за палітыку, прапануюць палёгку — перайсці на папраўчыя работы4
Беларусам, якія сядзяць на хатняй хіміі за палітыку, прапануюць палёгку — перайсці на папраўчыя работы
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары