Svoj pieršy matč u Nacyjanalnaj chakiejnaj lizie pravioŭ biełaruski abaronca Dźmitryj Korabaŭ. Debiut prypaŭ na hulniu «Tampy» ŭ haściach z «Łos-Andželesam».
«Tampa» prajhrała 2:5, a Dźmitryj pravioŭ za «małanak» 13 chvilin 21 siekundu.
Dźmitryj Korabaŭ byŭ vyklikany ŭ asnoŭny skład «Tampy» z farm-kłuba na minułym tydni paśla taho, jak traŭmy atrymali dva abaroncy fłarydskaj kamandy.
U ACHŁ (Amierykanskaja chakiejnaja liha — druhaja pa značnaści liha paśla NCHŁ u Amierycy) Korabaŭ vystupaje za «Sirakjuz» (a ŭ 2011-2012 jon hulaŭ za «Dynama» Minsk), za bolš čym hod u «Sirakjuzie» Korabaŭ pravioŭ 65 hulniaŭ, zakinuŭ try šajby, zrabiŭ 19 halavych pieradačaŭ, kaeficyjent karysnaści +20.
Nastupnyja dva matčy «Tampa» taksama praviadzie ŭ Kalifornii: 21-ha listapada suprać «San-Chase», a 22-ha — z «Anachajmam».
Za «Vašynhton Kepitałz» vystupaje biełaruski forvard Michaił Hraboŭski. Bolš biełarusaŭ u NCHŁ niama.
Goals.by dadaje, što naohuł Korabaŭ staŭ 9-m biełarusam, jakija hulali ci hulajuć u NCHŁ.
Raniej svaje siły ŭ macniejšaj lizie śvietu sprabavali Alaksandr Andryjeŭski («Čykaha»), Aleh Mikulčyk («Vinipieh», «Anachajm»), Uładzimir Cypłakoŭ («Łos-Andželes», «Bafała»), Rusłan Salej («Anachajm», «Fłaryda»), Kanstancin Kalcoŭ («Pitsburh»), Andrej Kaścicyn («Manreal») i Michaił Hraboŭski («Manreal»,«Vašynhton»), Siarhiej Kaścicyn («Manreal»). Najbolšy staž u NCHŁ u Rusłana Saleja — 11 siezonaŭ i 746 matčaŭ.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary