У Слоніме загінуў салдат тэрміновай службы, праводзіцца праверка
Як паведамляе агенцтва «Інтэфакс-Захад», следчыя праводзяць праверку па факце смерці вайскоўца тэрміновай службы 11-й механізаванай брыгады, што знаходзіцца ў Слоніме.
«Па факце смерці вайскоўца тэрміновай службы праводзіцца праверка», — паведаміў начальнік упраўлення інфармацыі галоўнага ўпраўлення ідэалагічнай працы Мінабароны Уладзімір Макараў. Іншыя падрабязнасці гэтага факту ў Мінабароны паведаміць адмовіліся.
Як паведамілі агенцтву ва ўпраўленні Следчага камітэта па Гродзенскай вобласці, «цела салдата было выяўлена на тэрыторыі парку тэхнікі вайсковай часці 33/933, ён павесіўся на кабіне экскаватара».
Там таксама паінфармавалі, што «асноўнай версіяй здарэння следчыя называюць самагубства з-за праблем у асабістым жыцці». Праверку праводзіць Слонімскі раённы аддзел СК, удакладнілі следчыя.
Па іх словах, «ужо апытаныя вайскоўцы дадзенай часткі, кіраўніцтва, дзяўчына загінулага салдата».
«За паўтары гадзіны ды смерці салдат даслаў дзяўчыне СМС аб тым, што збіраецца скончыць жыццё самагубствам», — раскавзалі ва УСК.
***
Тэлефоны службы экстранай псіхалагічнай дапамогі
Кругласуткавая служба экстранай псіхалагічнай дапамогі «Тэлефон даверу»: 8 (017) 202-04-01
Рэспубліканская тэлефонная «гарачая лінія» па аказанні псіхалагічнай дапамогі непаўнагадовым, што трапілі ў крызісную сітуацыю: 8-801-100-16-11
Спіс кантактаў экстраных службаў у рэгіёнах.
Цяпер чытаюць
Мяжа Беларусі з Літвой будзе закрыта мінімум да серады11
Каментары