Запрашаем вас на прагляд фільма «Хронікі Нарніі: Леў, Вядзьмарка і гардэроб» па-беларуску!
Паказ адбудзецца ў пляцоўцы «ЦЭХ» (Незалежнасці 58/6), у чацьвер, 26 снежня, а 19:00.
***
Чацьвёра дзяцей жывуць у доме старога прафесара. Падчас гульні ў хованкі яны знаходзяць чароўную шафу-гардэроб і трапляюць у казачную краіну Нарнію, населеную міфічнымі істотамі і жывёламі, што могуць размаўляць.
Казачны свет чакае вызвалення ад злой Белай Вядзьмаркі, якая трымае ўсю Нарнію пад зімовым праклёнам ужо сто год. Пакліканне дзяцей, прадказанае ў старажытных прароцтвах — перамагчы Вядзьмарку і зрабіцца каралямі і каралевамі ў чароўнай краіне. На сваім шляху яны сутыкнуцца са здрадай, пакутамі і смерцю, але ўсё перанясуць, бо ім дапаможа Аслан — магутны Леў, Цар Цароў, што кіруе не гвалтам і прымусам, а любоўю і ахвярнасцю.
Экранізацыя знакамітай кнігі Клайва Л’юіса, што лічыцца адной з лепшых дзіцячых гісторый усіх часоў і ўваходзіць у залаты спіс хрысціянскай творчасці.
Цяпер чытаюць
Галыгіна прымусілі апраўдвацца за зварот да сілавікоў у 2020-м2
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары