У Мінску адбіралі міс, містэра і місіс Беларусь. Інтэлектам прэтэндэнты не вызначаліся ВІДЭА
На выходных у Мінску, у Нацыянальнай школе прыгажосці, праходзіў адбор міс, містэра і місіс Беларусь.
Арганізатары конкурсу кажуць, што сёлета зашмат папрыходзіла малахарызматычных «пустышак», паведамляе сообщает tut.by.
Кажуць, што кастынг замужніх кабет праходзіць найбольш удалаю Паверхам вышэй у адносна невялікім пакоі ідзе адбор хлопцаў. Стаць уладальнікам звання «Містэр Беларусь « імкнулася не так шмат мужчын, у асноўным мадэлі і спартсмены.
Паводле меркавання арганізатараў (www.ont.by), «для ўдзелу і перамогі неабходна быць усебакова развітай і шматграннай асобай, якая ўмее здзіўляць і запамінацца».
Для ўдзелу ў конкурсе «Містар Беларусь» арганізатары запрашаюць «прывабных, харызматычных і ўпэўненых у сабе мужчын» ад 18 да 30 гадоў ростам не менш як 180 см, якія маюць беларускае грамадзянства.
Для ўдзелу ў конкурсе «Місіс Беларусь» запрашаюцца «актыўныя, адукаваныя, з яркай знешнасцю жанчыны, узростам не менш за 18 гадоў, якія маюць сям'ю і дзяцей, ростам не менш як 175 см, грамадзянкі Рэспублікі Беларусь.
Да ўдзелу ў штогадовым конкурсе «Міс Беларусь» запрашаюцца дзяўчаты ад 18 да 24 гадоў, якія не маюць дзяцей і ніколі не былі ў шлюбе, ростам не менш як 175 см. Пераможца атрымае права прадстаўляць сваю краіну на конкурсе «Міс свету» ў 2014 годзе, а таксама на розных культурных, дабрачынных акцыях, якія праводзяцца ў Беларусі і за яе межамі.
Арганізатары не раз нагадвалі: на кастынгі не дапускаюцца асобы, якія маюць дачыненне да фота- і відэаматэрыялаў эратычнага або парнаграфічнага зместу.
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства11
Каментары