19 кастрычніка ў Менск для ўдзелу ў пасяджэньні саюзнага ўраду прыбудзе прэм’ер‑міністар Расеі Віктар Зубкоў.
Паводле інфармацыі беларускага МЗС, плануецца, што самалёт з кіраўніком расійскага ўраду прыбудзе ў Нацыянальны аэрапорт «Мінск» у 11.00. На 12.45 запланавана сустрэча В.Зубкова з прэм’ер‑міністрам Беларусі Сяргеем Сідорскім у вузкім фармаце, затым адбудзецца пасяджэнне Саўміна Саюзнай дзяржавы ў пашыраным складзе. Вечарам 19 кастрычніка В.Зубкоў плануе вярнуцца ў Маскву.
На пасяджэнні саюзнага ўраду будзе разгледжаны праект бюджэту Саюзнай дзяржавы на 2008 год, заслуханы справаздачы аб выкананні бюджэту ў першым паўгоддзі 2007 года, аб выніках гандлёва‑эканамічнага супрацоўніцтва паміж краінамі за гэты перыяд. Прызначана разгледзець саюзныя праграмы ў галіне барацьбы са злачыннасцю, утрымання аб’ектаў ваеннай інфраструктуры, вытворчасці і ўзаемных паставак лекавых сродкаў, рэалізацыі навукова‑тэхнічнай праграмы «Космас‑НТ» і шэраг іншых пытанняў. На пасяджэнні таксама плануецца абмеркаваць ход выканання праграмы ўзгодненых дзеянняў у галіне знешняй палітыкі Беларусі і Расіі на 2006—2007 гады.
Гэта першы візіт у Беларусь В.Зубкова на пасадзе старшыні ўраду Расіі. Нагадаем, на пасаду прэм’ер‑міністра ён быў прызначаны 12 верасня ўказам прэзідэнта Пуціна.
Цяпер чытаюць
Гамельчука вызвалілі ад адказнасці за ўдзел у пратэстах праз тое, што ўжо прайшло пяць гадоў. Гэта такі першы вядомы выпадак3
Каментары