У Сектары Газа пражываюць каля пяцідзесяці тысяч грамадзян Расійскай Федэрацыі. У асноўным, гэта жанчыны, якія выйшлі замуж за палесцінцаў.
Зараз у расійскай абшчыне Сектара Газа абмяркоўваецца план звярнуцца ў канстытуцыйны ўрад І.Ханійі і ініцыяваць рэферэндум аб уваходжанні ў склад Расіі, паведамляе palestine-info.ru.
«Масква заявіла, што будзе абараняць сваіх грамадзян, у якой бы кропцы свету яны ні знаходзіліся, — кажа Н., адна з актывістак абшчыны, якая ўвайшла ў склад ініцыятыўнай групы. — А між тым, мы на працягу ўжо доўгага часу жывем у стане пагрозы жыцця нам і нашым дзецям з боку Ізраіля. Падчас вайны «Літы свінец» былі забітыя некалькі расіянак. Ізраільская блакада выракае нас на выжыванне. У апошні час да гэтай блакады далучылася егіпецкая хунта».
Адказваючы на пытанне, што Расія тэрытарыяльна далёкая ад Сектара Газа, Н. адказвае, што гэта не праблема: «А хіба Гібралтар знаходзіцца побач з Брытаніяй ці тыя ж Фалклендскія выспы?»
У выніках рэферэндуму Н. не сумняваецца. «Нашы сем'і, сем'і жанчын з расійскімі пашпартамі, якія маюць шмат дзяцей, сваякоў, маюць дастаткова высокі аўтарытэт у Палесціне. І нас, безумоўна, многія падтрымаюць. Не забывайце таксама, што Расія заўсёды карысталася шчырым павагай у палесцінцаў».
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка21
Каментары