Вядомая спявачка Ала Пугачова, мэр Екацярынбурга Яўгеній Ройзман, палітык і прадпрымальнік Міхаіл Прохараў, галоўны рэдактар выдавецтва «НЛО» Ірына Прохарава, акцёр Леанід Ярмольнік, пісьменніца Людміла Уліцкая, тэлевядучы Аляксандр Любімаў і яшчэ некалькі чалавек звярнуліся да расійскіх уладаў — прэзідэнта, прэм'ера, Савета Федэрацыі і Дзярждумы, а таксама да СМІ з заклікам не дапусціць ганення музыканта Андрэя Макарэвіча, а таксама «спыніць спробы развязвання ідэалагічных пагромных кампаній».
«У Інтэрнэце разгорнута сапраўдная інфармацыйная траўля вядомага дзеяча культуры, рок-музыкі, лідара гурту «Машына часу» Андрэя Макарэвіча. Услед за распаўсюдам адкрытай хлусні пра нібыта наяўнасць у Макарэвіча бізнэсу на ўкраінскай тэрыторыі, у Інтэрнэце ў чацвер 27 сакавіка, быў арганізаваны псеўда-незалежны збор подпісаў за пазбаўленне Андрэя Макарэвіча ўсіх дзяржаўных узнагарод. Гэты дакумент аўтары прадбачліва размясцілі на рэсурсе, якія не адносіцца да расійскай юрысдыкцыі ( www.change.org), паколькі расійскае заканадаўства жорстка карае за такія выказванні», — адзначаецца ў звароце.
«У размешчанай у сетцы петыцыі вядомага музыкі абвінавачваюць у «падбухторванні да забойства людзей», а самога Андрэя Макарэвіча называюць «памагатым фашыстаў», які не павінен «валодаць гэтым ордэнам», — дадаюць аўтары звароту.
Па іх словах, «гэтую брыдкую кампанію ўжо падтрымалі асобныя прадстаўнікі Адзінай Расіі «і некаторыя сродкі масавай інфармацыі».
Андрэй Макарэвіч удзельнічаў у антываенным «Маршы міру» 15 сакавіка супраць расійскага ўмяшання ў падзеі ва Украіне.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары