Праўленне Цэнтрабанка Літвы зацвердзіла эталоны літоўскіх еўра 2015 выпуску, па якіх будуць рабіць літоўскія манеты.
«Еўра ў Літве набывае рэальны знешні выгляд — літоўскія манеты з указаннем 2015 ўжо існуюць не толькі на паперы, яны адчаканены з металу
Эталоны еўраманет — гэта высакаякасныя ўзоры, такімі будуць манеты, якія будуць звінець у кашальках у жыхароў Літвы», — сказаў старшыня праўлення Цэнтрабанка Вітас Васіляўскас.
Паводле яго слоў, масавая чаканка літоўскіх манет павінна пачацца ў канцы лета, калі будзе прынята рашэнне Рады ЕС аб увядзенні еўра ў Літве. Усяго ў Літве будуць адчаканены 370 млн адзінак манет.
Дызайн нацыянальнага боку манет стварыў скульптар Антанас Жукаўскас. Праўленне Цэнтрабанка зацвердзіла тры розныя варыянты аверсу.
На іх — сімвал Літоўскай дзяржавы «Пагоня», надпіс Lietuva, 2015 і 12 зорачак: на манетах вартасцю ў 1 і 2 еўра — на фоне вертыкальных ліній; 10, 20 і 50 еўрацэнтаў — на фоне гарызантальных ліній; 1, 2 і 5 еўрацэнтаў — на роўным фоне.
На гурце літоўскай манеты вартасцю 2 еўра адчаканены словы: Laisve, Vienybe, Gerove (Свабода, еднасць, дабрабыт ).
Манеты будуць чаканіць на Манетным двары ў Вільні.
Літва хоча ўвесці еўра з 1 студзеня 2015 года.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары