Прэм'ер-міністрам самаабвешчанай Данецкай народнай рэспублікі (ДНР) абраны грамадзянін Расіі Аляксандр Барадай. Рашэнне было прынята на трэцяй сесіі «Вярхоўнага савета ДНР» у пятніцу, 16 мая, паведамляе РБК-Украіна.
Барадай доўга працаваў прадстаўніком інвестыцыйнага фонду «Маршал капітал» Канстанціна Малафеева. Па словах самога Малафеева, Барадай ніколі не лічыўся ў штаце «Маршала», а толькі кансультаваў яго. Барадай таксама валодае кансалтынгавым агенцтвам «Сацыамайстар», у якога ёсць і іншыя кліенты.
Падчас крызісу ў Крыме Барадай працаваў дарадцам прэм'ер-міністра рэспублікі Сяргея Аксёнава.
У сярэдзіне красавіка голас Барадая апазналі на запісе перахопу перамоваў па сотавым тэлефоне каля Славянска, апублікаванай Службай бяспекі Украіны (СБУ) 14 красавіка.
У перахопленай украінскімі спецслужбамі размове расеец просіць злучыць яго з чалавекам па мянушцы «Стралок». Далей, прадстаўляючыся Аляксандрам, ён абмяркоўвае магчымасць высоўвання ваеннай тэхнікі з Луганска ў бок Славянска.
Барадай вядомы менавіта як публіцыст і каментатар рэзанансных падзей.
У прыватнасці, палітолаг неаднаразова выказваў сваю пазіцыю на інтэрнэт-рэсурсах «ДеньTV», «Коминформ-ТВ», а таксама газеце «Завтра».
Першым віцэ-прэм'ерам абраны адзін з лідэраў ДНР Андрэй Пургін, старшынёй «парламента» — Дзяніс Пушылін, міністрам абароны — куратар баевікоў на Данеччыне Ігар Гіркін (Стралкоў), міністрам эканамічнага развіцця — Уладзімір Падгорны. «У сваёй уступнай прамове Барадай назваў сябе асабістым сябрам Стралкова», - адзначае РБК-Украіна.
Цяпер чытаюць
Заснавальнік дабрачынных фондаў для дапамогі дзецям Лысянкоў дабегаўся — яго затрымаў ДФР5
Каментары