Грамадства1313

Мінаховы здароўя супраць СААЗ: Беларусь не хоча быць самай пітушчай нацыяй

Міністэрства аховы здароўя Беларусі накіравала афіцыйнае пярэчанне з нагоды першага месца Беларусі ў рэйтынгу самых пітушчых краін свету. Нелегальнага алкаголю (хатняга віна, гарэлкі і іншага несертыфікаванага алкаголю) у нас п'юць менш, чым паказана ў дакладзе. Пра гэта кажа галоўны нарколаг Міністэрства аховы здароўя Іван Канаразаў.

«Да нашай рэспублікі быў ужыты завышаны каэфіцыент незарэгістраванага алкаголю», — паведамляе спецыяліст. На нелегальныя спіртныя напоі ў дакладзе закладзена 22% ад зарэгістраваных — такі працэнт ўжываецца для большасці краін Усходняй і Паўднёвай Еўропы, кажа нарколаг.

Але для Беларусі гэты працэнт занадта вялікі, таму што ў нашай краіне ўведзена адміністрацыйная адказнасць за самагонаварэнне. «Да таго ж у нас устаноўленая дзяржаўная манаполія на вытворчасць алкаголю, таму аб'ёмы выпуску кантралююцца».

«Мы вялі перапіску са штаб-кватэрай СААЗ па гэтым пытанні для таго, каб разлік правялі больш карэктна. І ў СААЗ пагадзіліся з намі, што адзінай зацверджанай методыкі разліку [спажывання нелегальнага алкаголю] няма», — кажа галоўны нарколаг Міністэрства аховы здароўя.

Пасля афіцыйнага звароту ў даклад дадалі дадзеныя аб тым, што ў 2011 годзе ў Беларусі зацвердзілі нацыянальную антыалкагольную праграму на 2011-2015 гады. Яна прадугледжвае жорсткія меры ў дачыненні да п'яных кіроўцаў, забарону на рэкламу алкаголю па ТБ і радыё з 7 да 22 гадзін і штрафы для самагоншчыкаў. Гэтыя меры, адзначана ў дакладзе, ужо далі некаторыя хуткія вынікі: скарацілася ўжыванне алкаголю з 2011 па 2012 год на 6,5%, а з 2012 па 2013 — на 11,4%, знізілася колькасць крымінальных злачынстваў, учыненых у п'яным стане.

Яшчэ Еўрапейскае бюро СААЗ распрацавала методыку ацэнкі нацыянальных стратэгій у дачыненні да алкаголю і правяло даследаванне дадзеных 50 краін Еўропы. Так, паводле папярэдніх разлікаў, Беларусь увайшла ў першую дваццатку дзяржаў Еўропы з грунтоўнай антыалкагольнай палітыкай, адзначае Канаразаў. Вынікі даследавання будуць апублікаваны ў 2014 годзе.

Каментары13

 
Націсканне кнопкі «Дадаць каментар» азначае згоду з рэкамендацыямі па абмеркаванні.

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі

Усе навіны →
Усе навіны

Зяленскі ўпершыню з’явіўся на саміце NATO ў касцюме — але не ў класічным16

З'явіўся рэйтынг самых дарагіх гарадоў свету. На якім месцы Мінск?10

Шматдзетную маму, якая займаецца астралогіяй, асудзілі за ўдзел у пратэстах8

Апублікаваны рэйтынг самых дарагіх краін для жыцця. На якім месцы Беларусь?4

У Лагойску сутыкнуліся два аўтобусы

У Арменіі заявілі пра прадухіленне спробы захопу ўлады2

Вярнуўся з Літвы — і быў арыштаваны за данаты. Гэты біёлаг раней даследаваў лейкозы — яго філасофія натхняе10

Юрый Антонаў расказаў, як ён змагаецца з перападамі ціску. Кажа, яму вельмі гэта дапамагае14

Яшчэ ў адной мінскай краме запрацавала сістэма з талонамі ў чаргу, як у банку1

больш чытаных навін
больш лайканых навін

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8

У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі

Галоўнае
Усе навіны →

Заўвага:

 

 

 

 

Закрыць Паведаміць