Стабільнасць у Беларусі можа быць разбураная толькі з эканамічных прычын, заявіў Аляксандр Лукашэнка, размаўляючы 19 чэрвеня ў Салігорску з працоўным калектывам ААТ «Беларуськалій» і прадстаўнікамі рэгіянальных СМІ.
«Калі мяне пачынаюць дапякаць замежныя журналісты: вось, там дыктатура, і Пуцін пасля Украіны да вас на танку прыедзе, для мяне гэта проста смешна. Ніхто ніколі ні на якім танку да нас не прыедзе і ніхто нас не заверне з той дарогі, па якой мы ідзем», — сказаў ён.
«Ніхто не ў стане перавярнуць краіну, за выключэннем толькі адной прычыны — эканамічнай, — падкрэсліў кіраўнік дзяржавы. — Нашу стабільнасць можа разбурыць толькі эканоміка, калі ў нас не будуць працаваць прадпрыемствы, калі мы не будзем прадаваць выраблены прадукт».
Лукашэнка нагадаў, што Беларусь купляе прыродны газ і нафту ў Расіі па значна больш нізкіх цэнах, чым суседнія краіны. «Чаго не хапае «Беларуськалію» або іншым прадпрыемствам? Што яшчэ трэба? Патрэбна пуга, як я часта кажу сваім чыноўнікам, і добры ціск, каб працавалі», — заявіў кіраўнік дзяржавы. Ні яму, ні ўраду ў гэтай частцы прэтэнзій прад'яўляць няма чаго, дадаў Лукашэнка.
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары