У Данецку мітынгоўцы напалі на аўтамабіль, у якім сядзелі Шуфрыч і Кучма
Удзельнікі мітынгу праціўнікаў украінскіх уладаў напалі ў Данецку на аўтамабілі, у якіх знаходзіліся народны дэпутат ад фракцыі Партыі рэгіёнаў Нестар Шуфрыч і другі прэзідэнт краіны Леанід Кучма.
Пенсіянеры і прыхільнікі самаабвешчанай Данецкай народнай рэспублікі перакрылі выезд машынам, пачалі стукаць па колах і спрабавалі разбіць лабавое шкло аўтамабіля.
Прадстаўнікі аховы ДНР спрабавалі адагнаць раз'юшаных людзей, каб картэж пакінуў тэрыторыю Кастрычніцкай плошчы, на якой знаходзіцца будынак Данецкай абласной дзяржаўнай адміністрацыі.
У выніку двум аўтамабілям удалося выехаць з тэрыторыі Кастрычніцкай плошчы, аднак на машынах засталіся ўвагнутасці ад кулакоў і камянёў.
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары