Прарасійскія сепаратысты на ўсходзе Украіны вызвалілі апошнюю групу назіральнікаў АБСЕ, затрыманых у канцы траўня пад Луганскам.
«Чацвёра членаў луганскай спецыяльнай маніторынгавай місіі АБСЕ, якая знікла 29 траўня, была адпушчаная ў суботу ўвечары», — гаворыцца ў паведамленні арганізацыі.
У паведамленні таксама сказана, што група ўключае грамадзян Германіі, Нідэрландаў, Расіі і Іспаніі. Па дадзеных АБСЕ, адчуваюць яны сябе нармальна.
Пасля вызвалення замежнікаў даставілі ў данецкі гатэль Park Inn, дзе пражываюць іншыя члены місіі АБСЕ.
Разам з назіральнікамі ў Данецк таксама прыбыў прэм'ер самаабвешчанай «Данецкай народнай рэспублікі» Аляксандр Бородай. Паводле яго слоў, назіральнікі ўвесь гэты час знаходзіліся на тэрыторыі так званай «Луганскай народнай рэспублікі».
Місія АБСЕ працуе на запрашэнне ўрада Украіны, тэрмін яе знаходжання ў краіне складае шэсць месяцаў.
Кіеў чакае, што місія АБСЕ зможа наладзіць назіранне за рэжымам спынення агню, а таксама кантроль за участкам ўкраіна-расійскай мяжы ў раёне, дзе ўкраінскія войскі праводзяць спецаперацыю.
Раней прэзідэнт Украіны Пётр Парашэнка падоўжыў тэрмін перамір'я на паўднёвым усходзе краіны на тры дні — да 22:00 панядзелка 30 чэрвеня.
«Украіна чакае, што за час спынення прымянення сілы адбудзецца закрыццё пунктаў вярбоўкі наймітаў на тэрыторыі Расійскай Федэрацыі і спыненне перамяшчэння незаконных узброеных фарміраванняў на тэрыторыі Данецкай і Луганскай абласцей», — гаворыцца ў заяве прэс-службы Парашэнкі.
Паводле ацэнкі ААН, з сярэдзіны красавіка на ўсходзе Украіны ў сутыкненнях паміж украінскімі войскамі і прарасейскімі сепаратыстамі загінула больш за 420 чалавек.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары