У вёсцы Аталезь Стаўбцоўскага раёна 28-гадовы мясцовы жыхар збіў на матацыкле трохгадовага хлопчыка.
Ён здзейсніў наезд на дзіця, якое які раптоўна выбегла на праезную частку. У выніку ДТЗ малы атрымаў траўмы і быў дастаўлены ў бальніцу. «Дзіця знаходзілася на адпачынку ў бабулі і дзядулі, якія ў сваю чаргу не забяспечылі належнага нагляду за унукам», - сказалі ва ўпраўленні. Паводле інфармацыі ДАІ, у мужчыны няма правоў на кіраванне матацыклам.
Таксама ў Дзяржаўтаінспекцыі распавялі, што на жвіровай аўтадарозе паблізу вёскі Прусы Старадарожскага раёна 32-гадовы мясцовы жыхар з-за няправільнага выбару хуткасці не справіўся з кіраваннем аўтамашыны «Опель», з'ехаў у кювет, дзе аўтамабіль перакуліўся. У выніку ДТЗ атрымала траўмы 8-гадовая дачка вадзіцеля, якая знаходзілася на заднім сядзенні аўтамабіля. «Наступствы маглі быць значна больш сур'ёзнымі, калі б на не прышпілілася рамянём бяспекі», - дадалі ў ведамстве.
ДАІ Мінскай вобласці рэкамендуе кіроўцам улічваць, што ў летні перыяд на вуліцах і дарогах колькасць дзяцей значна павялічылася. Неабходна быць вельмі ўважлівымі, асабліва ў вёсках, дзе яны адпачываюць у сваякоў, а таксама ў дварах жылых дамоў горада, паблізу дзіцячых устаноў, стадыёнаў і дзіцячых пляцовак. Бацькам, якія перавозяць дзяцей на аўтатранспарце, ДАІ настойліва рэкамендуе выкарыстоўваць спецыяльныя дзіцячыя аўтакрэслы, а старэйшых хлопчыкаў і дзяўчынак прышпіляць рамянямі бяспекі.
Цяпер чытаюць
У зняволенні памёр асуджаны па палітычных артыкулах даносчык і ўдзельнік акцый за Лукашэнку6
Каментары