Аляксандар Лукашэнка падпісаў указ аб функцыянаваньні крамаў бязмытнага гандлю, вядомыя ва ўсім сьвеце як “Duty-free”.
Гэты дакумэнт дазваляе разьмяшчаць такія крамы выключна “у пунктах пропуску праз Дзяржаўную мяжу Рэспублікі Беларусь, якія знаходзяцца ў аэрапортах, адкрытых для міжнародных зносінаў”. Да таго ж такія крамы могуць ствараць альбо спэцыяльная службы “Дыпсэрвіс” Кіраўніцтва справамі прэзыдэнта, альбо юрыдычныя асоба, заснавальнікам якой з’яўляецца “Дыпсэрвіс”.
На тэрыторыі Нацыянальнага аэрапорту «Менск» дазволена мець тры крамы “Duty-free”.
Дапоўніць сьпіс пунктаў пропуску праз дзяржаўную мяжу, а таксама юрыдычных асобаў – уладальнікаў крамаў бязмытнага гандлю магчыма толькі з дазволу кіраўніка дзяржавы.
Эканаміст Яраслаў Раманчук так пракамэнтаваў новы дакумэнт:
«Крамы “Duty-free” – гэта вельмі прыбытковы бізнэс. І гэта, зразумела, надзвычай салодкі кавалачак, для тых, хто мае да яго доступ.
Новае рашэньне дае і новыя магчымасьці для карупцыі і непразрыстасьці”.
Стала вядома, дзе працуе фаварытка Лукашэнкі Уладлена Зайцава19
Каментары