Партыя БНФ ужо б'е ў звон наконт будучай непамернай платы за карыстаньне сядзібай Фронту.
Новы спосаб удушэньня прыдумалі для грамадскіх аб'яднаньняў і партый: стаўка за арэнду памяшканьняў для іх ураз паднятая аж у 10 разоў.
Днямі ў партыі надышлі лісты з Кіраўніцтва справаў прэзыдэнта — яно амаль манапольна валодае сталічнай офіснай уласнасьцю. У ім паведамляецца, што з 24 красавіка 2008 году ўсе арганізацыі, якія «не займаюцца гуманітарнымі праблемамі», будуць плаціць арэндную стаўку ў поўным аб'ёме. Раней для некамэрцыйных структураў дзейнічаў паніжальны каэфіцыент 0,1.
Партыя БНФ ужо б'е ў звон наконт будучай непамернай платы за карыстаньне сядзібай Фронту. На думку партыйных лідэраў, уздым расцэнак у 10 разоў адразу даб'е рэшткі партыйных структураў, што яшчэ мелі офісы.
Каментары