Восенню ўздоўж МКАД будуць масава высаджваць кусты, паведаміў на прэс-канферэнцыі 3 верасня генеральны дырэктар УП «Мінскзеленбуд» Ігар Кушнярэвіч.
«Мы імі закрыем тыя гаражныя кааператывы, якія маюць даволі непрыгожы выгляд. Перад імі высадзім загарадзі з кустоў, якія іх закрыюць і прывядуць да больш эстэтычнага выгляду», — сказаў гендырэктар.
Паводле яго слоў, традыцыйна перад святам горада, які пройдзе 13—14 верасня, будуць прыведзены ў парадак кветнікі. «Яны былі высаджаны ў чэрвені, і некаторыя кветкі страцілі свае дэкаратыўныя ўласцівасці. Таксама будуць праведзены пакосы, чыстка горада, каб да свята ён блішчэў», — сказаў Кушнярэвіч.
Ён таксама паведаміў, што ў кастрычніку будзе абвешчаны тэндар на куплю хрызантэм. «Летась у некалькіх месцах горада былі высаджаныя гэтыя кветкі, і мы гэтую традыцыю працягнем. Высадзім хрызантэмы па асноўных праспектах, і яны цэлы месяц будуць радаваць мінчан», — адзначыў гендырэктар. Акрамя таго, у восеньскі перыяд будуць працягнутыя работы па пасадцы дрэў, цыбульных кветак.
За прадпрыемствамі сістэмы «Мінскзеленбуд» замацавана: 25 паркаў, 159 сквераў, 26 бульвараў, набярэжныя, азялененыя тэрыторыі і насаджэнні ўздоўж вуліц агульнай плошчай 7.134 га, а таксама 33.481 га лясоў, у тым ліку 2.705 га гарадскіх, і 122 га пляжаў з прылеглымі добраўпарадкаванымі тэрыторыямі.
Штогод у Мінску сіламі прадпрыемстваў сістэмы УП «Мінскзеленбуд» і УП «Зеленбуд» адміністрацыйных раёнаў Мінска высаджваецца прыкладна 40 тыс. дрэў, 100 тыс. кустоў і 2,5 млн. штук расады кветак, ствараецца больш за 200 га газонаў.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары