Лукашэнка: Есці і апранаць трэба тое, што вырошчваецца на сваёй зямлі
У ходзе паездкі ў Аршанскі раён Віцебскай вобласці 19 верасня Аляксандр Лукашэнка зноў закрануў тэму рацыёну суграмадзян.
«Простая формула: у ежу ўжываць і апранаць трэба тое, што вырошчваецца на сваёй зямлі. Лепшых прадуктаў, чым вырашчаных на зямлі, на якой ты сам вырас, у свеце не бывае. Ніякія апельсіны, лімоны і бананы не заменяць тую ежу, якая вырабляецца тут, у нас», — заявіў Лукашэнка, словы якога прыводзіць прэс-служба прэзідэнта.
«Мы яшчэ мала ведаем аб сувязі чалавека з гэтымі прадуктамі, — прадоўжыў ён. — Але чалавек, не ведаючы тонкасцей, даўно зрабіў выснову: харчуешся тым, што вырашчана на той зямлі, на якой сам вырас, будзеш здаровым.
Тое ж самае можна сказаць і аб адзенні. Гэта нашы тканіны. І тут нават не ў патрыятызме справа: для здароўя гэта карысна».
Цяпер чытаюць
«Міс Беларусь» усё больш нагадвае конкурс прыгажосці ў гарэме17
Каментары