Жанчынам ва ўладзе Аляксандр Лукашэнка давярае больш, чым мужчынам. Пра гэта ён заявіў 17 кастрычніка на прэс-канферэнцыі для расійскіх рэгіянальных СМІ ў Мінску.
«Няхай на мяне не крыўдзяцца мужыкі, але жанчынам ва ўладзе я давяраю больш: яны больш акуратныя, асцярожныя, менш авантурныя. Яны ніколі, па вялікім кошце, у карупцыю не ўвяжуцца», — сказаў кіраўнік дзяржавы.
Паводле яго слоў, жанчына ва ўладзе — звычайная з'ява, у беларускім парламенце іх 37%. «У нас поўная дэмакратыя, народ выбірае, каго хоча, але ўсяляк мы падтрымліваем жанчын. У выбарчую кампанію пайсці і выйграць у мужыкоў — гэта не проста, але ў нас за грошы ў парламент трапіць немагчыма. Гарантыю даю, што ніякія грошы не адыгрываюць ролі ў выбарах. Уплыў на выбарчы працэс у прэзідэнта ёсць. Негалосная квота для жанчын 30-35% — гэта закон», — падкрэсліў Лукашэнка.
Шмат жанчын, паводле яго слоў, працуюць і ў выканаўчай уладзе. «Але ёсць і такія пасады, дзе яна проста гіне — старшыні гарвыканкама, аблвыканкама. У нас тут адны мужыкі, таму што гэта немагчыма, жанчына не вытрымае, фізічна цяжка. Ну ёсць адзінкі сярод кіраўнікоў выканкамаў», — зазначыў Лукашэнка.
Паводле яго слоў, шмат кіраўнікоў-жанчын у сельскай гаспадарцы, менш — у прамысловасці. «На іншых пасадах у нас засілле жанчын. Улічваючы, што мужык — галава, а жанчына — шыя, у нас жанчыны вельмі ўплываюць на палітыку», — сказаў Лукашэнка.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары