Амерыканскі школьнік расстраляў аднакласнікаў з-за кпінаў і застрэліўся сам
Вінаватым у страляніне, якая адбылася ў пятніцу, 24 кастрычніка, у старэйшай школе горада Мэрысвіл пад Сіэтлам (штат Вашынгтон, ЗША), аказаўся вучань Джэйлен Фрайберг.
У выніку здарэння пацярпелі чатыры чалавекі, двое загінулі, у тым ліку і сам Фрайберг. Пра гэта паведамляе CNN.
Паводле дадзеных відавочцаў, раніцай каля 10:00 па мясцовым часе юнак зайшоў у школьную сталовую, наблізіўся да нашага стала, дзе сядзелі яго аднакласнікі, і стрэліў у іх прыкладна шэсць разоў. Затым Фрайберг выйшаў са сталовай і працягнуў страляніну, пасля чаго застрэліўся сам.
У школе пачалася паніка. Многія падумалі, што нехта ўключыў пажарную сігналізацыю, але настаўнікі паведамілі пра страляніну ў паліцыю і загадалі ўсім заставацца ў класах. Усяго ў школе навучаецца 2500 чалавек. Ратавальнікі і праваахоўныя органы пазней паспяхова правялі эвакуацыю.
Фрайберг любіў паляваць і ўмеў абыходзіцца са зброяй. Як паведамляе Hollywoodlife, вінтоўку, якой ён, верагодна, скарыстаўся у дзень трагедыі, падарылі яму бацькі на дзень нараджэння. «Напэўна, гэта самы лепшы падарунак», — пахваліўся малады чалавек у Twitter.
Знаёмыя Фрайберга распавялі, што ён быў папулярным вучнем у школе. Аднак зусім нядаўна ён стаў аб'ектам кпінаў з боку аднакласнікаў. Па іншых звестках, адна з дзяўчын адмовілася пайсці з ім на спатканне, з-за чаго юнак быў на яе злы.
У чацвер, 23 кастрычніка, ён напісаў сваё апошняе паведамленне: «Гэта не можа працягвацца… Гэта больш не будзе працягвацца».
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары