Дэпутатка Дзярждумы Ірына Яравая заявіла, што расейская сістэма адукацыі «заточаная пад вывучэнне замежнай мовы», паведамляецца на сайце «Единой России».
«І як мы хочам у такіх умовах захаваць нашы традыцыі?» — абурылася Яравая. Яна раскрытыкавала ідэю міністэрства адукацыі ўвесці абавязковы ЕГЭ па замежнай мове і дадаць другую абавязковую мову ў школьную праграму.
«За час навучання ў нашай школе дзіця вывучае расейскую мову ў аб'ёме 866 гадзін, а замежныя — 939 гадзін. Пры гэтым Мінадукнавукі збіраецца ўвесці яшчэ і абавязковы ЕГЭ па замежных мовах, а таксама вывучэнне другой замежнай. Грамадзян якой краіны мы гадуем?» — пытаецца дэпутатка.
Яна таксама заявіла, што цяперашні дзяржаўны адукацыйны стандарт робіць стаўку на «чужы расійскай матрыцы асабісты поспех выпускнікоў», а не на выхаванне маральных каштоўнасцяў. Ірына Яравая таксама абурылася вялікай колькасцю падручнікаў у Расіі.
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары