6 сакавіка ў Паўла здарыўся інсульт, ён трапіў у кому і памёр сёння, 7 сакавіка, каля 16.00 у рэанімацыі 9-й гарадской клінічнай бальніцы Мінска. 25 сакавіка яму споўнілася б 36 гадоў…
Павел працаваў рэжысёрам, кіраваў тэатральнай студыяй у Міжнародным экалагічным універсітэце імя Сахарава, адкуль быў звольнены пасля таго, як зняўся ў роліку «Схавай бабульчын пашпарт». Супрацоўнічаў з беларускім ТБ і тэлеканалам «Белсат», здымаў фільмы.
Яго стужка «Сэрца за кратамі» перамагла ў намінацыі «Найлепшы публіцыстычны фільм» на фэсце «Залаты бубен» у Ханты-Мансійску (Расія). У 2013 быў запрошаны ў якасьці рэжысёра музычнага праекта «Апошні золак», які рабіў партал Tuzin.fm разам з зачыненым уладам праваабарончым цэнтрам «Вясна». У яго засталося шмат нерэалізаваных творчых задум.
Пра дзень і месца пахавання Паўла Бандзіча будзе паведамлена пазней.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары