Супольны дабрачынны выступ музыкаў мусіў прайсці 12 красавіка ў сінагозе.
За тры дні да канцэрту Памідорава і Дзянісава аддзел па справах рэлігіі і нацыянальнасцей Гродзенскага аблвыканкаму забараніў выступ, паведамляе Tuzin.fm са спасылкай на неафіцыйныя крыніцы.
«Канцэрт не адбудзецца, бо нам была выказана заўвага аб нямэтавым выкарыстаньні памяшкання», – паведаміў парталу Tuzin.fm старшыня Рады іудзейскай рэлігійнай абшчыны Гародні Барыс Квяткоўскі.
Афіцыйныя тлумачэнні ад чыноўнікаў пакуль не атрыманыя.
На канцэрце ў сінагозе Алесь Дзянісаў (гурт Dzieciuki) збіраўся выканаць праграму на вершы Алеся Чобата, а Аляксандр Памідораў рыхтаваў праграму на ідышы. На канцэрце музыкі збіраліся сабраць сродкі на рэстаўрацыю харальнай сінагогі.
«Канцэрт у любым разе мы правядзем і грошы на сінагогу збярэм, проста адбудзецца гэта ў іншым месцы», – заявіў Алесь Дзянісаў.
Каментары