HATS-6b проста не можа быць памерам з Юпітар, калі верыць сучасным тэорыям. Калі верыць назіранням — можа.
Міжнародная група навукоўцаў распавядае ў часопісе Astronomical Journal пра надзвычай вялікую планету, знойдзеную праз тэлескопы праекту HAT-South.
Яна знаходзіцца каля чырвонага карліка HATS-6 у сузор’і Зайца, што ў 560 светлавых гадах ад Зямлі.
Планета HATS-6b мае дыяметр, роўны дыяметру Юпітара, і блізкую да Сатурна масу. Пры чырвоных карліках такія планеты лічыліся немагчымымі.
Вакол свайго свяціла яна абарочваецца на адлегласці ў 10 раз меншай, чым сярэдняя дыстанцыя ад Сонца да Меркурыя. Адзін абарот вакол зоркі HATS-6b робіць за няпоўныя 4 зямныя дні.
Навукоўцы пакуль не могуць патлумачыць, як можа існаваць такая планета. Імаверна, яна сфармавалася далёка ад сваёй зоркі і затым мігравала ў бок цэнтру сістэмы, мяркуе адзін з аўтараў даследавання Джордж Чжоў.
Далейшыя даследаванні планеты плануецца правесці з дапамогай іншых тэлескопаў. Нізкая яскравасць зоркі і нізкая шчыльнасць планеты дадуць магчымасць даследаваць структуру і хімічны склад газавага гіганта.
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары